Kukulla Steve Jobs

Kukulla Steve Jobs do të jetë e lartë 30.4 cm. Dragon in Dream është munduar që të krijoj replikë sa më besnike respektivisht të ndërtojë Jobsin në dukjen në të cilën e mban mend e mbarë bota – rrollka e zezë, farmerkat, syzet e rrumbullakëta dhe mjekra e thinjur.

Kukulla pritet të paraqitet në treg kah fundi i shkurtit me çmim prej 99 dollarë. “Do ti mbarojmë këto kukulla për të gjithë fansat e Apple-it të cilët ndjejnë admirim për Steve Jobsin dhe të cilët ndjejnë keqardhje për vdekjen e tij”, porositën nga kompania.

DiD është përgjegjës për prodhimin dhe distribucionin e kukullës, e kompania In Icon ju ndihmoi që të dizajnojnë kukullën dhe do të marr pjesë në organizimin dhe shitjen në mbarë botën. Prodhuesit e kukullës nuk u gjunjëzuan as nga dështimi i shitjes së kukullës Steve Jobs gjatë vitit 2010, i cili madje përfundoi me një padi. Duke pasur parasysh se nuk kanë vendosur askund brendin Apple, shpresojnë se prodhimi do të kaloj nën fjalëkalimin “gjesti altruistik, për koleksionistët e vërtetë dhe adhuruesit e personalitetit dhe veprës së Jobsit”. Por, vështirë mund të presim që familja e Jobsit me miratim do të lejoj një tentim të këtillë të fitimit, krejtësisht 3 muaj pas vdekjes së tij. /Telegrafi/