Nën thirrjet “Ik, ik, ik, ik” mbështetësit e opozitës në qytetin e Kukësit kanë nisur marshimin protestues.

Protesta e tyre vjen pak minuta para mbërritjes së kryeministrit Edi Rama për të mbajtur takimin e radhës elektoral.

Qytetarët janë nisur në këmbë drejt aeroportit të Kukësit.

Aksioni i qytetarëve kuksianë ka ngritur në këmbë edhe policinë e qytetit, e cila është angazhuar në ruajtjen e rendit dhe sigurisë.

Gazetari i RTV Ora Ervin Mehmeti raporton se kordoni i policisë që qëndronte vetëm pak metra larg aeroportit të Kukësit është thyer dhe e lënduar ka mbetur një grua.

Sipas tij e lënduara është gruaja e martirit të demokracisë, Havzi Nela./Ora News/