Kryeprokurorja ukrainase publikon fotografitë dhe të dhënat e dhjetë ushtarëve rusë, përgjegjës për krime lufte mbi civilët në Bucha

Në një postim në Facebook, kryeprokurorja ukrainase Irina Venediktova e cila është e angazhuar për hetimin e krimeve të luftës të shkaktuar nga forcat ruse në qytetin ukrainas Bucha, ka publikuar sot emrat dhe fotografitë e të dyshuarve për krime mbi civilët që ishin përfshirë në vrasje dhe përdhunime.

Prokurorja ka theksuar se hetimet kanë zbuluar se dhjetë ushtarë rusë kanë marr pjesë në torturimin, vrasjen dhe përdhunimin e banoreve të Buchas, transmeton Telegrafi.

Lexo po ashtu Sekretari i Përgjithshëm i OKB-së në Bucha: Nevojitet hetim i plotë

“Brigada e tyre e 64 e motorizuar e Forcave të Federatës Ruse, është nderuar me medalje nga Putini për heroizëm. Por ata në fakt kanë kryer krime lufte, e dëshmi për këtë janë tmerret në Bucha që kanë mundur t’i shohin të gjithë”, shtoi Venediktova.

E zyra e kryeprokurorit në Bucha ka arritur të identifikoj të dyshuarit për krime lufte, përdhunime e masakrim. Bëhet fjalë për dhjetë ushtarë rusë të kësaj brigade.

Vjacheslav Lavrentjev,

Hryhoriy Naryshkin,

Vasilij Knjazhev,

Semjon Malcev,

Sergej Peskarev,

Albert Radnaev,

Mihajlo Kashin,

Andriy Bizyaev,

Dmytro Serhiienko,

Nikita Akimov.

Gjatë një afati të shkurtër kohor, gjatë hetimeve është konfirmuar se në kohën e okupimit të Buchas, ushtarët rusë të lartcekur kanë marrë peng civilë të paarmatosur, duke i vrarë dhe mbajtur të lidhur. /Telegrafi/

The despicable 10.
Ten russian butchers from the 64th brigade have been identified and named suspects responsible for committing #BuchaMassacre. This unit had been awarded for its atrocities, and returned to the battlefield. Justice for war criminals is inevitable. pic.twitter.com/aTU18ZjJ3C

— Defense of Ukraine (@DefenceU) April 28, 2022