Kryeministri britanik “fshihet në frigorifer” për të shmangur intervistën – përdoruesit e rrjeteve sociale “e bëjnë për pesë pare”!

Përdoruesit e rrjeteve sociale kanë kritikuar kryeministrin britanik, Boris Johnson, sot pasi siç thuhet, ai “u fsheh në një frigorifer” për të shmangur një intervistë të premtuar prej kohësh për “Good Morning Britain” me Piers Morgan.

Sipas Daily Mail, përcjell Telegrafi, audienca e “GMB” u la e habitur kur z. Johnson dhe ndihmësit e tij u larguan me ngulm në frigorifer ndërsa përgatiteshin për ditën e parafundit të fushatës – e cila e çoi atë nga Yorkshire në Derby dhe më pas në Cardiff.

Kur gazetari iu afrua për herë të parë Johnson-it, ai pyeti: “Kryeministër, a do të vini Good Morning Britain, kryeministër?” Ndihmësi i Johnson-it mund të dëgjohet duke thënë: “Oh për hir të Zotit” si përgjigje.

Dhe udhëheqësit e emisionit, Piers Morgan dhe Susanna Reid, u shfaqën të tronditur nga reagimi i tij.

Siç shkruajnë mediat britanike, burime konservatore më vonë insistuan që Johnson “nuk fshihej kategorikisht” në frigorifer, nga i cili Johnson doli duke mbajtur një arkë me shishe qumështi – por përkundrazi, ndihmësit e tij po merrnin një moment për ta përgatitur kryeministrin për një intervistë të veçantë, të paracaktuar.

Një veprim i tillë, siç thuhet tutje, gjithashtu ka shkaktuar një stuhi reagimesh në mediat sociale – me disa fotografi të përpunuara qesharake – në të cilat “janë përfshirë edhe frigoriferë”. /Telegrafi/