Krisje në kampin e Milanit? Leao dhe Hernandez ‘injoruan’ trajnerin dhe bashkëlojtarët

Rafael Leao dhe Theo Hernandez befasisht ishin lënë në bankën rezervë nga trajneri Paulo Fonseca për takimin ndaj Lazios, teksa u futën në fushë në pjesën e dytë duke arritur që pas vetëm 30 sekondave të kombinohen për golin e Milanit.

Megjithatë, ajo që u vërejt dhe po bën bujë në mediat italiane, është fakti se dyshja refuzuan që të përfshiheshin në bisedën që Fonseca e bëri me ekipin gjatë pauzës për t’u freskuar me ujë.

Pothuajse menjëherë pasi u fut në fushë, Leao bëri një vrapim fantastik në krahun e majtë duke u kombinuar me Hernandezin dhe Tammy Abraham, për të shënuar golin e dytë të Milanit.

Ndeshja më pas eventualisht u ndërpre për pak çaste nga gjyqtari për t’u freskuar me ujë, aty ku trajnerët e shfrytëzuan për t’i dhënë këshilla lojtarëve të tyre.

#Leao e #TheoHernandez dentro al 70’. Leao segna subito ed esulta rabbiosamente.

Poi cooling break e i due vanno dall’altra parte rispetto al resto della squadra che si avvicina alla panchina.#LazioMilan pic.twitter.com/5xBLFUp7Bb

— Giovanni Capuano (@capuanogio) August 31, 2024

Leao dhe Theo ishin të vetmit nga të dy ekipet që nuk iu bashkuan pjesës tjetër të bashkëlojtarëve.

Në vend të kësaj, ata pritën në krahun e majtë, pra kahun e kundërt të fushës ku janë të vendosur Fonseca dhe stafi i tij duke pritur që ndeshja të rifillonte.

Goli i Leaos bëri që rezultati të bëhej 2-2 dhe ‘Rossonerët’ arritën që të sigurojnë një pikë në këtë takim, por nuk e kanë gjetur ende fitoren këtë sezon./Telegrafi/