Kreu i panelit gjyqësor që do të udhëheqë hetimin për shkeljet e supozuara nga Man City është tifoz i Arsenalit

Manchester City dhe Liga Premier janë të vendosur të shkojnë ballë për ballë në procedurat lidhur me shkeljet e pretenduara të rregullave financiare gjatë një periudhe nëntë sezonesh.

Shkeljet e supozuara ndodhën midis sezonit 2009/10 dhe sezonit 2017/18, me kampionët në fuqi të të bindur se janë të pastër nga çdo keqbërje.

Procedurat ligjore – të cilat ka të ngjarë të përfundojnë gjatë disa muajve – do të mbikëqyren nga Murray Rosen, kreu i Panelit Gjyqësor të Ligës Premier, i cili është një tifoz i zjarrtë i Arsenalit dhe anëtar i klubit.

Lexo po ashtu “Nëse më gënjejnë, ditën tjetër nuk jam pjesë e tyre” – Guardiola me paralajmërim për Cityn

Si kreu i panelit, do të jetë në dorën e Rosenit të vendosë se kush do t’i bashkohet atij në komisionin që përfundimisht do të vendosë nëse Manchester City është fajtor për ndonjë shkelje dhe nga ana tjetër, do t’i atribuojë ndonjë dënim retrospektiv klubit.

Për çfarë akuzohet Manchester City?

Man City është akuzuar nga Liga Premier për shkelje të shumta të rregullave financiare. Akuzat vijnë pas një hetimi katërvjeçar nga liga.

Akuzat lidhen me shkeljet e rregullave financiare gjatë një periudhe nëntëvjeçare. Klubi akuzohet se ka dështuar të sigurojë informacione të sakta financiare në lidhje me të ardhurat nga sponsorizimi, kostot operative, pagesat e pagave, mes keqbërjeve të tjera financiare, raporton SportBible.

Lexo po ashtu Ish-këshilltari financiar parashikon të ardhme të errët për Manchester Cityn

Çfarë sanksionesh mund të zbatohen ndaj klubit?

Nëse Rosen dhe kolegët e tij mendojnë se Manchester City është fajtor për shkelje të tilla, atëherë një sërë sanksionesh mund të zbatohen ndaj klubit.

Sanksionet e mundshme variojnë nga pezullimi nga konkurrimi në ndeshjet e ligës deri tek dëbimi i mundshëm nga Liga Premier.

Lexo po ashtu Manchester City reagon ndaj akuzave të Ligës Premier

Bordi gjithashtu mund të rekomandojë që ndeshjet e ligës duhet të riluhen, ata mund të urdhërojnë pagesën e kompensimit ose t’u heqin pikë Qytetarëve.

Vlen të përmendet se çdo zbritje e pikëve do të zbatohej për sezonin aktual në kohën e vendimit, me procesin që ka të ngjarë të shtrihet në disa muaj. /Telegrafi/