Komisioni Qendror i Zgjedhjeve ka njoftuar se në 38 komunat e Kosovës po punohet pa pushim për ditën e zgjedhjeve më 12 tetor dhe procesin që fillon të hënën.
Në njoftim thuhet se KQZ ka caktuar Qendrat Komunale të Numërimit dhe, gjatë kësaj jave, Komisionet Komunale të Zgjedhjeve janë në procesin e përgatitjes së tyre për numërimin e votave të kandidatëve për anëtarë të Kuvendeve Komunale.
Zgjedhjet lokale mbahen më 12 tetor./Telegrafi/
