KEDS-i dhe Komisioni Qendror Zgjedhor (KQZ) nënshkruan sot memorandum për furnizim të rregullt me energji elektrike më 22 tetor, ditën kur do të mbahen zgjedhjet lokale.
Valdete Daka, kryetare e KQZ, tha se kanë nënshkruar një memorandum bashkëpunimi që më 22 tetor të ketë furnizim të rregullt të energjisë elektrike 24 orë energji në çdo qendër të votimit dhe numërimit.
Drejtori i KEDS-it, George Karagutoff, tha se si zakonisht janë vendosur ekipet e tyre për monitorim në ditën e zgjedhjeve për të pasur furnizim të rregullt.
“Ekipet do të shërbejnë për çdo prishje të mundshme”, tha ai.
