KQZ-ja fillon publikimin e rezultateve të para nëpër komuna

Komisioni Qendror i Zgjedhjeve ka filluar të publikojë në kohë reale rezultatet e zgjedhjeve lokale nëpër komuna.

Rezultatet mund t’i përcillni në kohë reale, duke klikuar në këtë LINK.

Ndryshe, ka përfunduar pa incidente të theksuara procesi zgjedhor sot në Kosovë.

Qytetarët iu janë drejtuar kutive të votimit në 38 komuna, për t’i zgjedhur përfaqësuesit e tyre lokal, asamblistët dhe kryetarët.

Të gjitha qendrat e votimit u hapën me kohë në orën 07:00 të mëngjesit dhe të njëjtat janë mbyllur në orën 19:00.

Sipas të dhënave të para të publikuara nga Komisioni Qendror i Zgjedhjeve (KQZ), menjëherë pas mbylljes së procesit të votimit rezulton që 43.5% e qytetarëve ushtruan të drejtën për të votuar.

Më së shumti qytetarë që shkuan drejtë kutisë së votimit ishin nga Komuna e Zveçanit ku aty 83.92 përqind e qytetarëve dolën për ta hedhur votën për kandidatin e tyre i cili do t’i udhëheq për katër vitet e ardhshme. Më pas më së shumti votues pati në Komunën e Leposaviqit, më pas Mitrovica e Veriut, Komuna e Mamushës, Zubin Potoku dhe Novëbërda.

Klikoni KËTU për të parë listën e plotë të komunave sipas rezultateve të KQZ-së.

Rezultatet e KQZ-së në disa komuna, pas numërimit në përqindje të caktuar:

Kandidati i Partisë Demokratike të Kosovës, Bedri Hamza po prin me vota në Mitrovicën e jugut, teksa në këtë komunë janë numëruar më shumë se 40 për qind të votave.

Sipas të dhënave të publikuara nga KQZ-ja, rezultatet janë si më poshtë:

Bedri Hamza (PDK) – 53,23%

Agim Bahtiri (LVV) – 35,31%

Armend Agolli (LDK) 11,46% .

Në Komunën e Vushtrrisë tashmë janë numëruar rreth 38% të votave.

Kur janë procesuar 37 nga 98 kuti me vota, rezultatet nxjerrin të parin kandidatin e PDK-së, Ferid Idrizi.

FERIT IDRIZI (PDK) – 4.204 vota apo 36,26%

XHAFER TAHIRI (LDK) – 3.772 vota apo 32,53%

ARSIM REXHEPI (LVV) – 3.029 vota apo 26,12%

Në Komunën e Dragashit procesi i numërimit ka shkuar shumë shpejt.

Kur janë procesuar mbi 25% të kutive të votimit është duke u zhvilluar garë e ngushtë mes LDK-së dhe PDK-së.

Derisa kandidatja e LVV-së sipas të dhënave të para nuk arrin të futet në balotazh.

Kur janë numëruar 15 nga 58 të kutive të votimit rezultatet si më poshtë:

Shaban Shabani (PDK): 35.27%

Behxhet Xheladini (LDK): 34.91%

Kaltrina Salihu (LVV): 16.94%

Adnan Redzeplar (Vakat): 10.92%

Xhevxhet Tahiri (BK): 1.2%

Agron Gashi (AAK): 0.77% . /Telegrafi/