Kovacic kërkon largimin nga Real Madridi, Unitedi dhe Liverpooli vihen pas tij

Manchester Unitedi dhe Liverpooli janë në kontakt me mesfushorin e Real Madridit, kroatin Mateo Kovacic.

Sipas gazetës spanjolle Marca, Kovacic e ka bërë disa herë të qartë qëndrimin e tij që dëshiron të largohet nga Santiago Bernabeu.

Real Madridi ka hezituar të humbas ish-mesfushorin e Interit, por tani ata mund të mbeten pa zgjedhje kundrejt dëshirës së lojtarit.

Lexo po ashtu Kovacic konfirmon synimin për t'u larguar nga Reali

U raportua se Mbretërit në rast largimi do të kërkojnë 90 milionë euro, por tani mund të ndodh transferimi për një shifër prej 45 milionë funtesh apo rreth 50 milionë euro, edhe pse Kovacic ka shumë skuadra të interesuara.

Rivalët anglez, Unitedi dhe Liverpooli mund ta luftojnë për nënshkrimin e kroatit me më pak se tre javë të mbetura deri në mbylljen e afatit kalimtar në Ligën Premier.

Lexo po ashtu Interi po punon për rikthimin e bujshëm të Mateo Kovacic

Thuhet se dy gjigantët anglezë janë midis klubeve që kanë treguar një interes dhe kanë ofruar një rol më të rëndësishëm në skuadrat e tyre përkatëse.

Për Kovacicin interesim ka shprehur edhe ish-skuadra e tij, Interi, pasi janë në kërkim të një mesfushori qendror të konfirmuar tashmë. /Telegrafi/