Kovaçevski takon Scholz dhe Michel: E ardhmja jonë është në BE, nuk kemi alternativë tjetër

Kancelari gjerman Olaf Scholz dhe këtu në samitin e Bashkësisë Politike Evropiane në Moldavi, përsëriti mbështetjen e fuqishme të Gjermanisë për integrimin e Maqedonisë në BE dhe hapat e ardhshëm përpara, njoftoi kryeministri Dimitar Kovaçevski nëpërmjet profilit të tij në Facebook.

“Biseduam për përshpejtimin e proceseve integruese evropiane, të cilat janë të rëndësishme për sigurinë dhe stabilitetin e rajonit. Kjo është marrëveshja më e mirë që mund të arrijmë dhe kjo mundësi historike duhet shfrytëzuar”, shkruan Kovaçevski.

Kryeministri njofton se ka pasur një bisedë të këndshme edhe me Presidentin e Këshillit Evropian, Charles Michel.

“I konfirmuam qëndrimet tona për procesin e integrimeve evropiane të Maqedonisë. Mbështetja e fortë nga partnerët dhe mbështetësit tanë ndërkombëtarë, të cilët njohin përparimin e vendit tonë, është e rëndësishme. E ardhmja jonë është në BE, nuk kemi alternativë tjetër, qytetarët tanë meritojnë një të ardhme evropiane dhe një standard më të mirë jetese”, ka shkruar Kovaçevski në Facebook./Telegrafi/