Kovaçevski: Inflacioni është i njejtë në gjithë Evropën dhe buron nga të njejtët faktorë

“Inflacioni është krejtësisht i njëjtë në të gjithë Evropën dhe buron nga të njëjtët faktorë, çmimi i drithërave bazë është rritur mbi 70 përqind gjatë 12 muajve, dhe ato janë lënda e parë bazë për prodhimin e bukës, si dhe çmimi i energjisë është rritur”, tha kryeministri i vendit Dimitar Kovaçevski.

Në fillim, tha ai, Qeveria ndihmoi me ngrirje të çmimeve, por nëse ngrihen çmimet nën koston e prodhimit, do të ketë mungesë të ushqimit.

Ai bëri të ditur se kanë vendosur masa të synuara për të subvencionuar industritë që prodhojnë produkte ushqimore bazë për t’i ndihmuar dhe me energjinë elektrike që përdorin, por me kusht që të ulet ose të mos rritet çmimi i produkteve që dalin nga objektet e tyre.

“Shpresoj se në një ose dy javët e ardhshme do të arrijmë në një zgjidhje të pranueshme për prodhuesit, e cila do t’u mundësojë atyre të subvencionojnë burimet e energjisë dhe të ulin ose jo çmimin e produkteve ushqimore bazë”, u shpreh Kovaçevski në një konferencë për media në të cilën u njoftuan masat për mbështetje të qytetarëve dhe kompanive për përballimin më të lehtë të krizës ekonomike dhe energjetike të miratuara sot në seancën e 88-të të rregullt të Qeverisë.