Kosova me shumë yje në e-sports: Talentë që pasionin e kthyen në profesion dhe po ndërtojnë një imazh tjetër në botë
Zhvillimi i hovshëm i teknologjisë, shtrirja e gjerë e internetit, e kombinuar me një rini shumë të talentuar, kanë qenë disa prej faktorëve që kanë bërë që Kosova të ketë një rangim të jashtëzakonshëm në lojërat elektronike ose në atë që tash njihet si industria e sporteve elektronike e – sports.
Industria e re e sporteve elektronike ka marrë hov të madh në botë, ku ka një shtrirje edhe në mesin e të rinjve të Kosovës, të cilët kanë filluar që nga pasioni ta kthejnë në profesion këtë angazhim, duke përfituar edhe shume të majme.
Por, çka është e – sports për ata që nuk e dinë?
Nënkupton lojërat elektronike ku ballafaqohen lojtar individual ose ekipe përballë njëri – tjetrit, të përcjellur në mënyrë virtuale nga spektatorë që përdorin internetin.
E-sport tani është një industri që ndjeket nga miliona njerëz në botë, dhe ku lojtarët paguhen varësisht nga turneu që marrin pjesë.
Por, si ndodhë që Kosova, ndonëse një vend i vogël në pjesën juglindore të Evropës, të ketë yje në këto lojëra.
Besnik Thaqi, nga Game Center ‘Xportal’, ka treguar për telegrafin se si ka filluar të zhvillohet kjo industri edhe në Kosovë, e që sipas tij, fillimisht lojërat janë bërë pjesë e përditshmërisë së adoleshentëve, të cilët e kanë shfrytëzuar si rekreacion dhe hobi, por që më vonë rritja dhe shtrirja e shpejtë kanë bërë që disa prej talentëve të mendojnë të bëhen pjesë e garave që kishin vendosur edhe çmime për fituesit.
Ai ka thënë se lojërat elektronike janë bërë edhe pjesë e kulturës të shumë të rinj, sepse janë rritur më to.
“Ky trend na ka përcjellur neve. Në Kosovë janë njohur internet kafetë, që kanë qenë vende ku është mbledhur komuniteti, më pas kanë filluar të mbahen turnet, dhe pas një kohë kjo gjë është strukturuar dhe është rritur niveli i organizimit, me ç’rast një pjesë e lojtarëve kanë vazhduar ta luajnë për hobi, ndërsa të tjerë që kishin shpirt garues kanë menduar ta kalojnë në profesion”, ka shtuar Thaqi.
Ai ka treguar lojtarët e e-sports nga Kosova janë prej më të mirëve në rajon, të cilët shkëlqejnë si individualisht poashtu edhe me ekipe janë garues të suksesshëm, ku sipas tij, emrat e kosovarëve në këto lojëra propozohen edhe prej ekipeve të shteteve që rangohen shumë lart në këtë sport.
“Nuk duhet harruar Ylli Ramadanin(Garterin) që ka qenë pjesë e ekipeve më të mira të Evropës, dhe njëkohësisht ka pasur oferta prej ekipeve më të mëdha në botë që të jetë pjesë e garave si përfaqësues i tyre”, ka shtuar Thaqi.
Sipas tij, Ylli Ramadani ka qenë gamer-i i parë që e ka përfaqësuar Kosovën nëpër turne ndërkombëtarë në e-sport, duke qenë një prej yjeve që e ndriqojnë vendin e tij në e-sports.
“Gjatë vitit 2008 dhe 2012, kur jemi taku online me lojtar të tjerë, janë befasuar që në Kosovë ka internet, e prej asaj kohe janë krijuar fansa te Ylli Ramadanit (Garterit), edhe njerëzit kanë nisë me e kuptuar që përveç që ekziston Kosova si shtet, paska edhe rini që garojnë në këto nivele, por që na duhet strukturim më i mirë”, ka thënë ai.
Si shumë bashkëmoshatarë të tij të pasionuar pas e-sports, Ersin Dërvari ka kaluar kufijtë e shtetit dhe tash ai do ta përfaqësoj Kosovën në Brazil në një turne ndërkombëtare në të cilin do të marrin pjessë dhjetëra shtete.
Ai pas disa ditëve do të niset për Brazil kur do të marrë pjesë në turneu “Red Bull Player One”, ku gara do të jetë në lojën ‘League of Legends’.
“Mu ka dasht goxha kohë e gjatë me ardhë deri në këtë nivel. Jam i vetmi përfaqësues nga Kosova. Atje do të udhëtoj me 27 nëntor deri me 2 ose 3 dhjetor. Në Kosovë ka plot lojtar që kanë përparu shumë nga lojëra të ndryshme. Duhet dedikim i madh nëse dëshiron me përparu”, ka shtuar Dërvari.
Sipas tij, zhvillimi i mëtutjeshëm i industrisë së e-sports do të ketë ndikim të madh edhe në zhvillimin ekonomik të Kosovës. /Telegrafi/
Promo
Reklamo këtuLufta Prigozhin - Putin
Më shumëKëto janë përfitimet e përdoruesve të iPhone 12 nga sistemi i ri operativ iOS 17.4
Kamera më e shpejtë në botë mund të regjistrojë 156.3 trilionë korniza në sekondë
Kur funksionet e Galaxy AI do të jenë të disponueshme në telefonat më të vjetër të Samsungut
Google prezanton funksionin e ri që ju ndihmon me blerjet online
Kompania për zhvillim softuerësh që synon shtrirjen në Kosovë, Shqipëri e Maqedoni të Veriut, Mrishaj jep detajet
Miliarda përdorues të WhatsApp do të fitojnë përditësime me Inteligjencë Artificiale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia