Në raportin e Departamentit Amerikan të Shtetit mbi trafikimin e qenieve njerëzore për vitin 2022, Kosova hyn në grupin e dytë të vlerësimit për mbi 190 vende të botës. Aty thuhet se Qeveria organizoi një fushatë të fuqishme ndërgjegjësimi dhe organet bashkërenduese mblodhën dhe përgatitën raporte tremujore.
Megjithatë, qeveria nuk i përmbushi standardet minimale në disa fusha thelbësore. Po ashtu gjykatësit vazhduan të shqiptojnë dënime të buta për trafikantët dhe qeveria nuk miratoi Strategjinë Kombëtare Antitrafik dhe Planin e Veprimit 2020-2024
“Katër euro, pesë euro” është shuma që një gjashtë vjeçare e komunitetit rom thotë se ka mbledhur sot. Tash kur është piku i vapës ajo kërkon lëmoshë rrugëve të Prishtinës, ndërkaq nga Fushë Kosova në Prishtinë ajo tregon se e kanë sjell prindërit.
“Me autobusë. E ku është mami jot? Nuk e di. E mami a lypë bashkë me ty pare a veç të bjen ty deri këtu? Vjen deri këtu. E tani Mami shkon në shpi a? Po”, ky është diskutimi me të me pyetje e përgjigje të shkurta.
Megjithëse disa herë i shmanget përgjigjes, gjashtë vjeçarja e komunitetit rom flet edhe për babanë. Ajo tregon se edhe babai i saj kërkon para nëpër qytet. Lëmoshë me të kërkojnë edhe fëmijë me prejardhje nga Shqipëria, veçse këta të fundit sipas saj punojnë për dikë.
“Shefi ju blen me hangër. Këta punojnë për dikanë apo? PO. A jau merr paret? PO. Kush osht shefi i tyne, kush i bjen ata këtu? SHEFI. Prej Shqipnisë apo? PO”, vazhon diskutimi me të.
Edhe Turkien Alija nga Fushë-Kosova tregon që vazhdimisht takohen me lëmoshë-kërkues nga shtetet fqinje.
“Këta vijnë nga Shqipëria, po këta duhet me shku në vendin e tyre jo me ardhë këtu në Kosovë. Këta vijnë lypin këtu në të nëntin ose në të dhjetin muaj shkojnë përsëri. Këtë sezon kur kanë ardhë të jashtit lypin e pastaj dimrit kthehen në vendin e vet”, tregon Alija.
Ai shpjegon se bashkë më nënën e tij lëmoshë kërkojnë shumë fëmijë nga Kosova e Shqipëria. Ky realitet nga qendra e Prishtinës përputhet me raportin e Departamentit Amerikan të Shtetit për trafikimin e qenieve njerëzore për vitin 2022.
Aty thuhet se fëmijë nga Kosova, Shqipëria dhe vendet fqinje janë të detyruar të kërkojnë lëmoshë. E komuniteti rom, ashkali dhe egjiptian janë të prekur nga kjo veprimtari pa përjashtuar edhe trafikimin seksual.
Për vitin 2022 sipas raportit janë identifikuar 22 viktima, 19 ishin viktima të trafikimit seksual dhe tre të lypës të detyruar. Ndër ta 16 ishin vajza, katër gra dhe dy djem. Raporti thekson se policia, prokuroritë dhe gjykatat përdorin metoda të ndryshme për numërimin e rasteve të përndjekjeve, prandaj ka statistika të paqëndrueshme. Kjo sipas juristit Labinot Leposhtica ka ndodhur për shkak të cilësimeve të ndryshme të veprave nga Gjykatat, Policia dhe Prokuroria.
“Konstatohet se shumë raste të tilla ku qartazi kemi të bëjmë me viktima të trafikimit nuk konsiderohen dhe nuk ndiqen sipas nenit të paraparë të kodit penal. Mirëpo thjeshtë konsiderohen si trajtim neglizhues i prindërve ndaj fëmijëve të tyre”, shprehet ai.
Prandaj sipas tij Gjykatat të shqiptojnë dënime të ulëta, gjë që thuhet edhe në raport. E sa i përket rasteve për prostitucion Leposhtica thotë se mungojnë dënimet meritore e po ashtu edhe hetimet e duhura.
“Mungon tërësisht një hetim financiar ndaj atyre që qëndrojnë prapa organizimi të kësaj dukurie, sepse konsiderojë që ato para që gjenerohen përmes këtij aktiviteti kriminal në barrë të shfrytëzimit të këtyre viktimave pastaj duhet të shpëlahen në kategori tjera biznesore”, deklaron për RTV Dukagjinin Leposhtica.
E në raportin për të cilin po flet jepet vërejtje se Qeveria nuk miratoi Strategjinë Kombëtare Antitrafik dhe Planin e Veprimit 2020-2024. /Dukagjini/
Lufta Prigozhin - Putin
Më shumëNjë i vrarë dhe një i plagosur me armë zjarri në Prishtinë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis
Syla: Kemi bashkëpunim me shtetet e NATO-s për blerjen e armatimit
U raportuan tri gropa në "Ndreqe.com", Komuna e Prishtinës intervenon në rregullimin e tyre
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes