Kosova dhe Gjermania nënshkruajnë marrëveshjen për bashkëpunim financiar

Është mbajtur ceremonia e nënshkrimit të marrëveshjes së bashkëpunimit ndërmjet Qeverisë së Kosovës dhe asaj të Gjermanisë, përmes së cilit kjo e fundit do t’i jep 60 milionë euro.

Ministri i Financave, Bedri Hamza, tha se Kosova i është mirënjohëse Gjermanisë për investimet dhe është nder që nënshkruan këtë marrëveshje.

“Është nder për mua që nënshkruaj këtë marrëveshje. Gjermania është një prej donatorëve me të mëdhenj në Kosovë, tash me ketë marrëveshje ju kemi ofruar shumës së 700 milionë eurove. Sot marrëveshja ka peshën mbi 60 milionë euro financim ku do të përfitojnë sektorët e energjisë, ambientit, arsimit, sektorët privat. Unë jam shumë mirënjohës delegacionit gjerman për këtë ndihmë dhe kontribut”, tha Hamza.

Udhëheqësi i Delegacionit të Qeverisë Gjermane, Dirk Schattschneider, tha se Gjermania do ta mbështesë Kosovën dhe qytetarët e saj për një jetë më të mirë.

“Fusha e dytë zhvillimi i qëndrueshëm ekonomik. Ne e mbështesim Kosovën, ne do të bëjmë më shumë edhe në fushën e trajnimeve. Në fushën e tretë ne mbështesim energjinë e ripërtëritshme. Kjo shërben për të përmirësuar kushtet e jetesës së qytetarëve. Gjermani ka ofruar 60 milionë euro për këtë vit dhe vitin e ardhshëm për projektet që kanë të bëjnë me sektorë publik e që prekin jetën e qytetarit. Ne e mbështesim Kosovën për të krijuar kushtet për popullin e saj e sidomos për të rinjtë dhe edukimin e tyre”, tha Schattschneider. /Telegrafi/