Koreja e Veriut: Të paktën 800 familje po vuajnë nga një sëmundje misterioze, Kim po u dërgon ilaçe “të përgatitura nga familja e tij”

Udhëheqësi i Koresë së Veriut, Kim Jong Un thuhet se ka dërguar ilaçe “të përgatitura nga familja e tij” në jugperëndim të vendit, ndërsa lufton me një shpërthim të një “sëmundjeje gastrointestinale të paidentifikuar”.

Sipas Sky News, përcjell Telegrafi, besohet se të paktën 800 familje po vuajnë nga ajo që Koreja e Veriut e ka quajtur vetëm një “epidemi akute enterike” në provincën Jugore Hwanghae deri më tani.

Ndërkohë që zyrtarët e Koresë së Jugut thonë se mund të jetë kolera ose tifoja.

Përhapja e re në Veri e ngarkon më tej vendin e izoluar pasi lufton me mungesat kronike të ushqimit dhe një valë infeksionesh COVID-19.

Agjencia shtetërore e mediave të vendit, KCNA, tha: “Sekretari i Përgjithshëm i respektuar Kim Jong Un ka dërguar ilaçe të përgatitura nga familja e tij në qytetin Haeju, Provinca Hwanghae Jugore”.

“[Kim] theksoi nevojën për të përmirësuar epideminë në datën më të hershme të mundshme duke marrë një masë të mirëpërcaktuar për të karantinuar rastet e dyshuara, për të frenuar plotësisht përhapjen e saj”.

Një “Ekip Kombëtar i Diagnozës dhe Trajtimit të Shpejtë” po punon me zyrtarët lokalë të shëndetësisë dhe po merren masa për të siguruar që bujqësia të mos ndërpritet në zonën kryesore bujqësore, shtoi ai.

Gjithashtu po kryhen punë dezinfektuese, duke përfshirë ujërat e zeza dhe mbeturinat e tjera, për të garantuar sigurinë e ujit të pijshëm dhe atij shtëpiak. /Telegrafi/