Konfirmohet meçi i çmendur mes Tyson Fury dhe Francis Ngannou në boks, rregullat dhe shumëçka tjetër

Boksieri i njohur, Tyson Fury dhe ish-luftëtari i UFC, Francis Ngannou do të takohen në një ndeshje të madhe boksi të peshës së rëndë më vonë këtë vit.

Kampioni i peshave të rënda të WBC, Fury do të përballet me ish-kampionin e peshave të rënda të UFC-së, Ngannou në një luftë me 10 raunde në Riad të Arabisë Saudite më 28 tetor.

Kjo do të jetë përballja e parë e Furyt që nga fitorja e tij me nokaut ndaj Derek Chisora ​​në stadiumin e Tottenham Hotspur në muajin dhjetor.

WBC heavyweight champion Tyson Fury will box former UFC heavyweight champion Francis Ngannou on Oct. 28 in Riyadh, Saudi Arabia, sources tell @MikeCoppinger. pic.twitter.com/EhJ6J7n7sj

— ESPN (@espn) July 11, 2023

Ndërsa për Ngannou do të jetë meçi i tij i parë profesionist në boks dhe lufta e tij e parë e çdo lloji që kur ai njoftoi largimin e tij nga UFC në muajin janar.

Luftëtari me origjinë nga Kameruni nënshkroi një marrëveshje shumë-luftëshe me Professional Fighter League në maj, por ende nuk ka bërë debutimin e tij për kompaninë promovuese.

Përplasja mes Fury dhe Ngannou se kush është ‘Njeriu më i keq në planet’ do të zhvillohet sipas rregullave zyrtare të boksit profesional, me tre gjyqtarë në ring, duke miratuar sistemin e 10-pikëve me 10 raunde prej tre minutash.

Tyson Fury vs Francis Ngannou officially confirmed in Saudi Arabiahttps://t.co/H73vf4me22

— talkSPORT (@talkSPORT) July 12, 2023

Sipas mediumin The Mirror, titulli i Furyt në WBC nuk do të jetë në linjë – por rekordi i tij i pamposhtur profesional prej 33 fitoresh e 1 barazim mund të jetë.

Ndërsa mbetet për t’u parë nëse Furyt ose Ngannout do t’i shtohet apo jo lufta në të dhënat e tyre zyrtare, pasi do të zhvillohet në një rrjet rregullues dhe do të mbikëqyret nga komisioni – “për të gjitha qëllimet dhe qëllimi do të jetë një luftë boksi profesioniste”. /Telegrafi/