Komunikimi më i shpejtë pa tela nga Sony

Sony në bashkëpunim me Tokyo Institute of Technology zhvilloi çipat LSI për komunikimin pa tela me shpejtësi të mëdha të bartjes së të dhënave. Sistemi përbëhet nga dy çipa, për dizajnin e çipit baseband (BB) është përgjegjës Sony, derisa instituti në Tokio dizajnoi radio marrësin-dërguesin (RF) dhe komponentët analog të çipit BB.

Teknologjia për bartjen e të dhënave përdor brezin prej 60 GHz në përputhje me standardin IEEE 802.15.3c dhe modulimin 16QAM, ndërsa është bërë implementimi i kodeve LDPC për korrigjimin e gabimeve. Të gjitha këto mundësojnë shpejtësinë e bartjes së të dhënave prej 6.3 Gb/s me shpenzimin prej krejtësisht 74 mW, që sistemin e bën të përshtatshëm për përdorim në pajisjet mobile.

Sipas fjalëve të Sonyt, në këtë mënyrë shfrytëzuesit e telefonave të mençur do të kenë mundësinë që në mes vete të shkëmbejnë sasi të mëdha të të dhënave, ndërsa është mundësuar edhe streamingu i HD videos së pa kompresuar nga pajisja mobile në televizor. /Telegrafi/