Komunat e Shkupit vetorganizohen për pastrimin e mbeturinave në qytet
Mëngjesin e sotëm në rrugët e Shkupit sërish vërehen kontejnerë të tejmbushur me mbeturina, nga të cilët po përhapet erë e keqe pasi të punësuarit e ndërmarrjes së qytetit “Higjiena Komunale” – Shkup, për disa ditë në shenjë proteste refuzuan t’i zbrazin kontejnerët.
Disa nga kryetarët e komunave të Shkupit kanë bërë të ditur se janë organizuar për pastrimin e mbeturinave.
Kryetari i Komunës Qendër, Goran Gerasimovski, ka bërë të ditur se vetë shërbimet komunale nga mëngjesi i sotëm do të fillojnë me grumbullimin e mbeturinave. Ai tha se e gjithë makineria e NP “POC” do të jetë në terren, si dhe pajisje shtesë për grumbullimin e mbeturinave.
Kryetarët e komunave të Aerodromit dhe Kisella Vodës, Timço Mucunski dhe Orce Gjorgjievski dje kanë njoftuar se do të fillojnë vetë pastrimin e mbeturinave. Ata mbrëmë kanë tentuar të lënë mbeturinat e grumbulluara nga kamionët në deponinë “Drisla” në Shkup, prej nga nuk janë lejuar të hyjnë në deponi.
Nga një video e publikuar në rrjetet sociale shihet se si një kamion i mbushur me mbeturina i hedh mbeturinat përballë “Drislës”.
Sot me një deklaratë për opinionin ka reaguar NP “Drisla”, e cila ka bërë të ditur se Komuna Aerodrom dhe Kisella Voda nuk kanë marrëveshje me ta për deponimin e mbeturinave dhe se ajo ka skaduar në muajin mars. Nga deponia e Shkupit thanë se me hedhjen e mbeturinave para hyrjes së ndërmarrjes, kryetarët Mucunski dhe Gjorgjievski kanë kryer krim kundër mjedisit dhe pyesin se ku i depozitojnë këto komuna mbeturinat që pretendojnë se i mbledhin nëse nuk kanë marrëveshje me ta.
Kryetarja e qytetit të Shkupit, Danella Arsovska, dje pas mbledhjes së shtabit të krizës së qytetit, ka akuzuar se disa nga punëtorët kanë disa ditë që e kanë bllokuar punën e Higjienës Komunale për interesa personale. Megjithatë, ajo shton se pastrimi i mbeturinave po i kthehet normalitetit.
“Dje as institucionet nuk arritën të ndalin bllokimin e paligjshëm të kompanisë. Kjo është një tjetër shenjë se sundimi i ligjit nuk funksionon në Maqedoni. Për këto arsye, menjëherë është vënë në funksion shtabi i krizës nga ndërmarrjet publike të Shkupit, me qëllim të ruajtjes së higjienës në kryeqytet, të cilat janë në terren dhe në mënyrë aktive pastrohen. Ndërmarrja publike Higjiena Komunale tashmë po kthehet në normalitet, ndërrimi është duke punuar, shpresojmë që nga nesër të punojë me kapacitet të plotë”, tha Arsovska.
Lufta Prigozhin - Putin
Më shumëFSK së shpejti me aeroport ushtarak në afërsi të kufirit me Serbinë
"Unë e konsideroj Kosovën si fqinje", Suljagiq: Serbia ka arritur ta largojë Bosnje dhe Hercegovinën nga Kosova
Audio-incizimi dëshmon se avokatja ia kërkoi palës 25 mijë euro për ta pranuar vendimin e Apelit
Fyerjet e sharjet në Kuvend, deputetëve do t’u kushtojnë me pagë
I ati i vdiq në Mekë, djali tregon pse nuk e kthyen trupin në Shqipëri
Qytetarët e Kosovës të papunë, bizneset me punëtorë nga shtetet e jashtme
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
FSK së shpejti me aeroport ushtarak në afërsi të kufirit me Serbinë
"Unë e konsideroj Kosovën si fqinje", Suljagiq: Serbia ka arritur ta largojë Bosnje dhe Hercegovinën nga Kosova
Trajnerët italianë po dominojnë në Euro 2024 - shkolla e tyre është arsyeja se pse
Ndeshja u ndërprere katër herë për shkak të ndërhyrjes së tifozëve - Ronaldo ia plotësoi dëshirën një tifozi të vogël
Sigurimi i shkakton lëndim yllit të Portugalisë duke ndjekur tifozin që hyri në fushë
Robin Hranac, lojtari më pafat deri tani në Euro 2024