Komuna e Podujevës del me një sqarim rreth rregullores për transportin rrugor

Komuna e Podujevës ka bërë një sqarim rreth transportit të udhëtarëve.

Në sqarim thuhet se ashtu siç është e paraparë edhe me Rregulloren për Transportin Rrugor në territorin e Komunës së Podujevës, të gjithë transportuesit e udhëtarëve nisjen dhe kthimin duhet ta bëjnë nga Stacioni i Autobusëve. Por, kjo nuk nënkupton që transportuesit nuk do t’i marrin udhëtarët edhe më tutje në pikat e caktuara në qytet bazuar në itinerarin që kanë.

“Pra, transportuesve nuk do t’u ndalohen vijat qarkulluese në qytet, ku deri tash i kanë marrë dhe i kanë kthyer udhëtarët, por u ndalohet vendparkimi në hapësira publike që i kanë shfrytëzuar derisa u ka ardhur koha e nisjes. Nga e hëna (31 mars) të gjithë transportuesit e udhëtarëve duhet të qëndrojnë në Stacionin e Autobusëve dhe nisjen dhe kthimin duhet ta bëjnë nga aty”, thuhet në njoftim.

Tutje, thuhet se secili që nuk i përmbahet këtij njoftimi do të ndërmerren masa ndëshkimore nga inspektorët dhe organet tjera kompetente./Telegrafi/