Komiteti i Helsinkit dënon përjashtimin e publikut nga seanca për rastin e “27 prillit”

Komiteti i Helsinkit për të Drejtat e Njeriut në Republikën e Maqedonisë e konsideron për vendimin të paligjshëm të trupit gjykues të Gjykatës Penale për të përjashtuar publikun nga seanca e sotme për rastin “27 prill”, për të cilën, siç thonë ata, shkelin të drejtën për gjykim të drejtë dhe parimin e publicitetit të procedurës si një komponent i pashmangshëm i kësaj të drejte dhe si garanci për sjelljen e drejtë dhe të ligjshme të gjykatave, përcjell Telegrafi Maqedoni.

Komiteti i Helsinkit sugjeron se në të ardhmen publiku duhet të përjashtohet vetëm kur të plotësohen kushtet e përcaktuara shprehimisht në nenin 354 të procedurës për vepër penale dhe në çdo asnjë rast tjetër.

Në seancën e sotme për rastin e “27 prill”, e cila mbahet në Gjykatën Themelore Shkupi 1, ndërsa në seancë është dashur të pyetet dëshmitari i mbrojtur i PSP-së, këshilli i gjykatës mori vendim që ta përjashton publikun, me kërkesë të PSP-së, duke thënë vetëm se ajo është e bazuar te neni 354 pa specifikuar saktësisht arsyet për përjashtimin e publikut nga arsyet e përcaktuara në këtë nen.

“Megjithatë, Këshilli Gjyqësor, duke iu referuar nenit 355, paragrafi 2 nga proceduara për vepër penale, lejoi vëzhguesit e Misionit të OSBE-së dhe Ambasadës Amerikane në Shkup të qëndrojnë, me arsyetimin se kishin protokolle adekuate të konfidencialitetit”, thuhet në deklaratën e Komitetit të Helsinkit.

Një vendim i tillë i këshillit gjyqësor për këtë rast gjyqësor, siç thuhet në njoftim, shkel parimin e publicitetit të procedurës, i cili është një nga parimet themelore për garantimin e të drejtës për gjykim të drejtë./Telegrafi/