Arbëria e Dobrajës që këtë vit është bërë pjesë e Superligës, po vazhdon të na befasojë si me lojëra të mira, po ashtu edhe me futbollist.
I fundit që është regjistruar nga klubi në FFK është japonezi 24 vjeçar, Koken Kuroki.
Lajmin për GazetaOlle e ka konfirmuar trajneri i Arbërisë, Arbnor Morina, i cili thotë se japonezi ka bindur në prova tek skuadra që ai drejton.
Kuroki luan si mesfushor dhe është 24 vjeçar. Ai menaxhohet nga kompania “Sagrada Sports” të cilët zyrtarimin e lojtarit te Arbëria e kishin bërë me 5 tetor, para më shumë se tri javësh.
Koken Kuroki njihet si mesfushor kreativ, ndërsa cilësia e tij e madh është depërtimi.
Ai ka bërë karrierë në Japoni, Bullgari dhe Malta.
Sipas Transfermarkt, ai së fundmi ka qenë pjesë e klubit nga Omani, Mirbat SC.
Çmimi i tij aktual është 25 mijë euro. Ai nuk ka zhvilluar shumë ndeshje në klubet ku ka qenë më parë. /Telegrafi/
