Koha kur Alex Song kishte menduar se Puyol po i jepte atij trofeun e La Ligas – por në fakt e kishte ftuar Eric Abidalin

Në vitin 2013 kapiteni i Barcelonës Carles Puyol kishte bërë një veprim të mrekullueshëm duke e ftuar Eric Abidalin dhe Tito Vilanova q kishin pasur probleme shëndetësore për të ngritur trofeun e La Ligas.

Blaugranasit e fituan titullin e ligës në triumfin ndaj Real Valladolidit në Camp Nou dhe mbrojtësi legjenda kishte vendosur që ata dy të ngrisnin trofeun.

Puyol mori fillimisht Vilanovan dhe më pas shkoi të merrte edhe Abidalin, por gjatë rrugës ndodhi një moment sa qesharak, aq edhe i sikletshëm.

https://twitter.com/PatrickTimmons1/status/1240985607549136896

Alex Song që ishte në radhë me lojtarët e tjerë, kishte menduar se spanjolli po e ftonte atë të ngriste trofeun, duke harruar që pas tij ishte francezi.

Ai filloi të ecte në drejtim të Puyolit, derisa e kuptoi se Abidal ishte ftuar dhe jo ai, për t’ u rikthyer më pas në vendin e tij.

Song kishte luajtur 20 ndeshje për Barcelonën në të gjitha garat gjatë gjithë sezonit, duke marrë vetëm një trofe, e më pas ishte huazuar, për t’u larguar përfundimisht në drejtim të klubit rus Rubin Kazan. /Telegrafi/

Eric Abidal will be doing the Europa League draw. Alex Song is waiting in the wings to join him front and centre. pic.twitter.com/yKkQodAUA4

— Paddy Power (@paddypower) April 13, 2018