Sport Futboll Ndërkombëtare

Klubi nga Arabia Saudite i ka bërë një ofertë marramendëse Messit, eklipson 200 milionë eurot që fiton Ronaldo

Para 2 vitesh

Lionel Messi thuhet se është duke u larguar nga Paris Saint Germain dhe ka një ofertë të madhe në tavolinë nga skuadra e Superligës së Arabisë Saudite, Al Hilal.

Eksperti i transferimeve Fabrizio Ramano pohoi më herët se marrëdhënia mes fituesit të Kupës së Botës dhe PSG-së u prish plotësisht pasi ylli bëri një udhëtim të paautorizuar në Arabinë Saudite.

Skuadra franceze e pezulloi argjentinasin për dy javë dhe raportet thonë se Jorge Messi ka komunikuar dëshirën e legjendës për t’u larguar nga klubi.

Megjithatë, shtatë herë fituesi i Topit të Artë ka në tavolinë një ofertë të jashtëzakonshme në aspektin financiar.

Sipas italianit Romano, skuadra saudite Al Hilal me ndihmën e qeverisës së Arabisë Saudite ka dërguar një ofertë zyrtare me vlerë 350 milionë funte apo rreth 400 milionë euro në vit.

🚨 Understand Al Hilal sent an official bid to Leo Messi: salary worth more than €400m/year.

◉ Leo’s absolute priority: continue in Europe.

◉ Barcelona, waiting on FFP to send bid and open talks.

◉ PSG bid, not accepted at this stage as Messi wanted sporting guarantees. pic.twitter.com/FVTDGs4eQV

— Fabrizio Romano (@FabrizioRomano) April 4, 2023

Nëse pranohet kjo ofertë, do ta bënte Messin sportistin më të paguar në botë me një distancë të madhe nga rivali i tij i përhershëm Cristiano Ronaldo që aktualisht mban primatin me 200 milionë euro në vit që fiton te Al Nassr, ku u transferua në janar.

Do të ishte një lëvizje madhështore që do të nxiste edhe një herë rivalitetin më të madh individual të futbollit, por këtë herë në Lindjen e Mesme.

Megjithatë, Romano pretendon se prioriteti i Leos është të vazhdojë në Evropë dhe se ish-skuadra e tij Barcelona është duke pritur Fair Play Financiarin për të hapur bisedimet.

Shtatë herë fituesi i Topit të Artë aktualisht fiton 60 milionë funte apo 68 milionë euro në vit në PSG, kështu që çdo ofertë që vjen nga një skuadër e lartë në Evropë ka të ngjarë të mos përputhet me ofertën nga Al Hilal.

Ndërkohë, Barcelona nuk e ka bërë të fshehtë se dëshiron që legjenda e klubit të tyre të kthehet në Camp Nou, por janë të njëjtat probleme financiare që çuan në largimin e papritur të Messit që vazhdojnë ende në Camp Nou dhe do ta bëjnë të vështirë zbatimin e lëvizjes.

Udhëtimi i Messit në Arabinë Saudite pasoi humbjen e PSG-së në shtëpi ndaj Lorient të dielën, ku 35-vjeçari luajti plot 90 minuta.

Ai nuk do të stërvitet apo luajë për PSG-në gjatë periudhës së pezullimit, që do të thotë se do të humbasë ndeshjet e ligës kundër Troyes dhe Ajaccio.

Fituesi i Kupës së Botës është në sezonin e tij të dytë në PSG pas kalimit të tij nga Barcelona në verën e vitit 2021.

Ai e ndihmoi skuadrën e tij të fitonte titullin e ligës sezonin e kaluar, me klubin që duket i vendosur mirë për të mbrojtur titullin e tyre këtë sezon.