Kjo shenjë e horoskopit beson se është më “perfektja” – dhe s’pranon kundërshtime!

A keni takuar ndonjëherë dikë që shikon me përbuzje rrobat tuaja, gjykon gjithçka që bëni dhe nuk lëshon pe, edhe nëse janë në gabim (dhe janë në dijeni të kësaj)?

Shikimi arrogant dhe sjellja nënçmuese e bëjnë të vështirë për ju që të shijoni shoqërinë e kësaj shenja dhe pyesni veten se përse janë të tillë. Ndoshta përgjigjja që po kërkoni është në hartën astrologjike.

Luani

Nuk është sekret që Luanët e duan veten dhe duan që vëmendja të përqendrohet tek ata. Ata ndihen sikur janë më të mirët nga të gjithë dhe e konsiderojnë arrogancën dhe snobizmin të drejtën e tyre.

Si njerëz që pëlqejnë të jenë në qendër të vëmendjes, nuk ka dyshim se këto shenja zjarri do të kenë një anë paksa… të guximshme. Dhe ndërsa thellë në vetvete ata i bëjnë të gjitha këto më shumë për të marrë konfirmimin, për ata që i rrethojnë duken kokëfortë dhe arrogantë.

Akrepi

Si shenjë uji, Akrepi është shumë emocional dhe ka personalitet kompleks. Ndërsa natyra e tyre misterioze ndonjëherë mund të perceptohet si indiferencë, në fakt është një pasqyrim i ndjenjave më të thella.

Për shkak se nuk hapen lehtë, mund të duken të ftohtë. Në realitet, ata sillen në këtë mënyrë sepse vlerësojnë situatat dhe njerëzit derisa të kuptojnë se si duhet të sillen me ju.

Bricjapi

Bricjapët punëtorë dhe ambiciozë bëjnë gjithçka për të arritur qëllimet e tyre. Është ky fokus që i bën ata të duken të ftohtë. Megjithatë, ata nuk duan të duken snob.

Sapo përfshihen në një detyrë, fokusohen aq shumë në të sa nuk shohin asgjë tjetër. Në fakt, vëmendja e tyre është e përqendruar në atë masë sa çdo gjë tjetër u duket e pakuptimtë, veçanërisht nëse nuk i plotëson standardet e tyre shumë të larta.

Virgjëresha

Sado e çuditshme t’ju duket (ndoshta aspak), Virgjëresha është në krye të kësaj liste. Ajo është perfeksionistja e zodiakut dhe, si e tillë, mund të jetë paksa kritike se si i bëjnë gjërat të tjerët. Ata që i përkasin kësaj shenje të horoskopit do i nënvlerësojnë njerëzit pa e kuptuar fare, edhe pse kjo sjellje nuk përkon me karakterin “perfekt” që ata kanë në mendje.

Megjithatë ka edhe shenja të tjera që shquhen si natyra që duan t’i bëjnë të gjitha vetë dhe të jenë më të mirët në atë që bëjnë.

/Telegrafi/