Kjo është arma që mori jetën e shumë amerikanëve, në disa raste (Foto)

Ajo është përdorur për mbytjet në Sandy Hook, vrasjen e tifozëve të Batman në një kinema në Colorado, si dhe vrasjen e punëtorëve në një mbrëmje festive në San Bernardino.

Por AR-15, një pushkë gjysmë-automatike, përcjell Telegrafi, ka qenë gjithashtu arma e zgjedhur edhe për një person të armatosur i cili bëri vrasjen e 50 vetave në një mbrëmje të homoseksualëve.

Bëhet fjalë për Omar Mateen, i cili është duke u fajësuar për atë që quhet vrasja më e madhe një ditore në historinë e SHBA-ve.

Arma vdekjeprurëse u gjet të dielën në mëngjes në mes të 50 viktimave të kasaphanës në një klub nate në Orlando, Florida.

E siç shkruajnë mediat e huaja, Mateen e bleu armën e tij në mënyrë të ligjshme, javën e kaluar në Florida.

Ja disa raste kur kjo armë kishte shërbyer për të realizuar disa sulme të tmerrshme vdekjeprurëse:

2 dhjetor 2015: AR-15 ishte një nga armët të cilën Syed Rizwan Farook dhe gruaja e tij Tashfeen Malik, kishin përdorur për të vrarë 14 perona dhe plagosur 22 të tjerë në një sulm në një Qendër Rajonale në San Bernardino, Kaliforni.

1 tetor 2015: Christopher Harper Mercer qëlloi për vdekje profesorin dhe tetë studentët në një klasë në
Umpqua Community College në Roseburg, Oregon, përcjell Telegrafi. Ai ishte i armatosur me një AR-15 dhe të tjera armë.

7 qershor 2013: John Zawahri ishte i armatosur me një AR-15 kur u shfaq i tërbuar në Santa Monica Community College jashtë Los Angeles. Ai vrau pesë veta dhe plagosi katër të tjerë, pasi ishte vrarë nga policia.

14 dhjetor 2012: Adam Lanza kishte përdorur një AR-15 të blerë nga nëna e tij për të vrarë 20 nxënës dhe 6 pjesëtarë të stafit në Sandy Hook Elementary School në Newtown, Connecticut. Ai përdori një pistoletë për të vrarë veten pasi u rrethua nga policia.

20 korrik 2012: AR-15 ishte pjesë e arsenalit të James Holmes, kur ai hapi zjarr gjatë shfaqjes në mesnatë në një kinema në Aurora, Kolorado. /Telegrafi/