Kishte 30 vite që Juventusi nuk pranonte pesë gola në një ndeshje zyrtare

Juventusi nuk kishte pranuar pesë gola në një ndeshje të vetme pothuajse për 30 vjet, por sot Zonja e Vjetër u poshtërua nga Napoli në stadiumin “Diego Armando Maradona”.

Napoli krijoi shumë kundër një skuadre që kishte mbajtur portën e paprekur në tetë ndeshje në Serie A, duke fituar të gjitha ato ndeshje, por Bianconerët u shpërbënë sot nga napolitanët.

Victor Osimhen shënoi dy gola, ndërsa nga një shtuan Kvicha Kvaratskhelia, Amir Rrahmani dhe Eljif Elmas. Golin e vetëm për Juventusin e shënoi Angel Di Maria.

GAME OVER ✅

90+3 | #NapoliJuve 5-1
💙 #ForzaNapoliSempre pic.twitter.com/vu6LfeutNb

— Official SSC Napoli (@en_sscnapoli) January 13, 2023

Juventus nuk kishte pranuar pesë gola në asnjë garë që nga humbja 5-1 nga Pescara në Serie A më 30 maj 1993.

Çuditërisht, goli i parë i Pescaras atë natë u shënua nga trajneri aktual i Juventusit, Max Allegri.

#NapoliJuventus La Juventus non subiva 5 gol in una sola partita in tutte le competizioni da quasi trent’anni: 30 maggio 1993, Pescara-Juventus 5-1 – ironia della sorte, il primo gol del Pescara era stato segnato da Massimiliano Allegri. pic.twitter.com/GQMLthS2pi

— Giuseppe Pastore (@gippu1) January 13, 2023

Napoli mbetet lider me 47 pikë, ndërsa Juventusi është i treti me 37 pikë. /Telegrafi/