Kisha dhe Akademia e Serbisë pjesë e dialogut në Bruksel?

Kisha Ortodokse Serbe dhe Akademia e Shkencave dhe Arteve të Serbisë kanë njoftuar se janë të gatshme të bëhen pjesë e dialogut të Serbisë me Kosovën, shkruan Vecernje Novosti.

Siç i ka thënë agjencisë serbe të lajmeve Novosti nga këto dy institucionet, përfaqësuesit e tyre e kanë ndërmend të bëhen pjesë e dialogut kur ai të kalojë në nivel presidentësh dhe ekipin serb ta udhëheq, Aleksander Vuçiq, njofton Klan Kosova.

“Kosova dhe Metohia është një nga qendrat e kishës sonë dhe ndër më të shenjtat dhe është shumë e rëndësishme për Serbinë që të investojë përpjekje maksimale që të mbetet brenda Serbisë. Gjithashtu është e rëndësishme për të ndihmuar serbët në Kosovë që të qëndrojnë në vendin e tyre dhe të normalizojnë jetën”, thuhet në deklarimin e Kishës Ortodokse.

Ndërsa sekretari i përgjithshëm i Akademisë Serbe, Marko Andjelkoviq, tha se presidenti i Serbisë do ta nderonte akademinë nëse i fton ata për t’i paraqitur pikëpamjet e tyre mbi tema të rëndësishme siç është Kosova.