Kindle Fire – tableti i ri nga Amazon

Amazon ka deklaruar se ka shitur të gjithë tabletët e saj Kindle Fire para lansimit të modelit të ri.

Shitësi online me pakicë ka planifikuar një konferencë të madhe për media për të enjten e ardhshme në Santa Monica. Pritet që në këtë takim me mediat, kompania të paraqes modelin e ri të tabletit. Në nëntor të vitit të kaluar Amazon kishte lansuar Fire për vetëm 199 dollarë.

Pajisja ka qenë modeli i parë nga kompania i pajisur me ngjyra në ekran dhe ka pasur mundësinë e instalimit të aplikacioneve të ndryshme, duke u bërë konkurrenti i vetëm serioz i iPad-it të Apple, me çmim për gjysëm më të lirë. Amazon nuk ka treguar sa modele Fire ka shitur, por ka thënë se ka marrë 22 për qind të tregut në Amerikë me shitjen e tabletëve për nëntë muaj.

Ky fakt do ta bënte tabletin e dytë më të famshëm në treg, pas iPad. Një analistë i tregut të tabletëve ka thënë se sipas llogaritjes së tij, Amazon ka shitur 6.7 milionë Kindle Fire. i cili është sa gjysma e iPad-it në madhësi, ndërsa ky i fundit mund të ballafaqohet me një treg më të fuqishëm, në lansimin e modelit të ri.

Apple ka paralajmëruar lansimin e një tableti më të vogël në treg, iPad Mini, gjë që rrezikon tregun e Fire. Në anën tjetër, Google gjithashtu sapo ka lansuar tabletin e madhësisë së njejtë me Kindle, Google Nexus 7 me çmim prej 199 dollarë. /Telegrafi/