Kevin Durant hyn në botën e futbollit, bëhet njëri nga pronarët e gjigantit evropian

Ylli amerikan i basketbollit, Kevin Durant, do të bëhet një aksionar pakice në Paris Saint-Germain, duke shënuar sipërmarrjen e tij të parë të madhe në futbollin evropian.

Vetëm pasi fitoi medaljen e katërt të artë olimpike në Paris, Durant do t’i bashkohet ekipit të lojtarëve të NBA-së që investojnë në klubet më të mira të futbollit, siç është pjesëmarrja e LeBron James në Liverpool.

Ndërsa përqindja e saktë e pronësisë së tij nuk është bërë e ditur, përfshirja e Durant pritet të rrisë profilin e PSG-së në Shtetet e Bashkuara.

Ky nuk është thjesht kapital, por një partneritet strategjik që mund të forcojë markën e klubit, veçanërisht kur ai përgatitet për Kupën e Botës për Klube 2025 që do të mbahet në Shtetet e Bashkuara të Amerikës.

View this post on Instagram

A post shared by Business | Motivation | Technology (@wealth)

Kujtojmë se Durant erdhi në ligën e NBA në vitin 2007 dhe tash e sa vite ka statusin e njërit prej yjeve më të mëdhenj të basketbollit dhe me kontrata të pasura ka marrë vlerën e pasurisë së tij, e cila llogaritet në 300 milionë dollarë.

Ai ka luajtur në të gjitha edicionet e Lojërave Olimpike që nga Londra 2012 dhe në karrierën e tij në klub ka fituar dy unaza kampionati të NBA me Golden State, të dyja si MVP i finaleve. /Telegrafi/

Kevin Durant is set to become a minority shareholder of PSG, per multiple reports 🏀⚽ pic.twitter.com/0d5BmQL14Y

— B/R Football (@brfootball) August 12, 2024