Këtyre robotëve u është caktuar një punë: Të lëvizin shtratin nga një vend në tjetrin

Për të trajnuar robotët se si të punojnë në mënyrë të pavarur, por edhe në mënyrë bashkëpunuese, studiuesit në Universitetin e Cincinnati u dhanë atyre një detyrë të përbashkët: Lëvizni një shtrat.

Nëse keni ndihmuar ndonjëherë dikë të lëvizë mobiljet, e dini që kërkon koordinim – njëkohësisht shtyni ose tërhiqni dhe reagoni bazuar në atë që po bën ndihmësi juaj.

Kjo e bën një problem ideal bashkëpunimin midis robotëve, tha Andrew Barth, një student i doktoratës në Kolegjin e Inxhinierisë dhe Shkencave të Aplikuara të UC.

Kështu, sipas medieve të huaja, përcjell Telegrafi, në Laboratorin Inteligjent të Robotikës dhe Sistemeve Autonome të profesorit të inxhinierisë ajrore të UC Ou Ma, studiuesit studentë zhvilluan inteligjencën artificiale për të trajnuar robotët që të punojnë së bashku për të lëvizur një shtrat.

“Në fund të fundit, ne duam ta zgjerojmë këtë në 10 ose më shumë robotë që punojnë në mënyrë bashkëpunuese në një projekt”, ka thënë Barth.

“Nëse doni të ndërtoni një habitat gjigant në hapësirë, të themi, do t’ju duhen shumë robotë që punojnë së bashku. Por nëse do të mbështeteshit në një rrjet komunikimi dhe ai do të shkatërrohej, atëherë i gjithë projekti juaj ka mbaruar”.

Nëse robotët mund të punojnë në mënyrë të pavarur, humbja e njërit nuk do të bëjë shumë ndryshim. Të tjerët mund të kompensojnë për të përfunduar misionin, tha Barth. /Telegrafi/