Këto janë tri arsyet kryesore pse u vra të premten Navalny, sipas ish-investuesit më të madh në Rusi

Një nga pyetjet e itin shumta që rrethojnë vdekjen e Alexei Navalnyt është pse ndodhi tani, pothuajse tre vjet pasi ai u kthye në Rusi.

William Felix Browder, i njohur më mirë si Bill Browder, shefi ekzekutiv 59-vjeçar dhe bashkëthemelues i kompanisë së fondit të investimeve dhe menaxhimit të aseteve, “Hermitage Capital Management”, dikur investitori më i madh i huaj në Rusi, tha se janë tre arsye pse vdiq të premten politikani rus dhe kritiku i presidentit të Federatës Ruse, Vladimir Putin, Alexei Navalny.

Lexo po ashtu Navalny për herë të fundit u pa i gjallë gjatë ditës së djeshme - shfaqen pamjet ku shihet duke buzëqeshur dhe u tallur me gjyqtarët

Së pari, Vladimir Putin donte të eliminonte një kundërshtar politik, shkruan skynews.

Së dyti, ai donte t’u tregonte rusëve se nëse kundërshtoni Putinin, do të përballeni me vdekjen.

Dhe së treti, u dërgoi një mesazh atyre që ishin ulur në Konferencën e Sigurisë së Mynihut, ku liderët botërorë takohen për të diskutuar çështjet e mbrojtjes, se Putin mund të “kapërcejë çdo vijë të kuqe dhe t’i ikë”.

Megjithëse Browder ishte më parë një mbështetës i Putinit, qeveria ruse e futi në listën e zezë kompaninë e tij në v2005 dhe e karakterizoi atë si një kërcënim për sigurinë kombëtare të Rusisë.

Lexo po ashtu Kush do ta zëvendësojë Navalnyn si opozitar dhe kritik të Putinit

Konflikti i Browder me autoritetet ruse vazhdon prej vitesh ndërsa ai ka shkruar dy libra për jetën e tij në Rusi – “Njoftimi i Kuq: Një histori e vërtetë e financave të larta, vrasje dhe një luftë për drejtësi”, i cili u botua në vitin 2015 dhe “Urdhri i ngrirjes: Një histori e vërtetë e pastrimit të parave, vrasjeve dhe mbijetesës së zemërimit të Vladimir Putinit”, i cili doli në shitje në vitin 2022. /Telegrafi/

"You take the most important political figure in the country and you kill them in front of everybody"

Bill Browder, once one of the biggest foreign investors in Russia, later became an anti-corruption campaigner and one of Vladimir Putin’s fiercest critics #Newsnight pic.twitter.com/Uzq6GJObxl

— BBC Newsnight (@BBCNewsnight) February 16, 2024