Këto gabime mund të shkaktojnë dëme në lëkurën tuaj

Shumë prej nesh i kemi rregulluar rutinat tona të bukurisë – ne e dimë se çfarë po bëjmë dhe bëjmë të njëjtën gjë rregullisht.

Por rezulton se ne mund të kemi nevojë të kemi një ri mendim…

Një specialist i lëkurës ka treguar gabimet e bukurisë që po bëjmë dhe na ka lënë me gojë hapur. Rezulton se ne nuk duhet të përdorim furçat e grimit dhe kemi aplikuar gabimisht fondatinë gjatë gjithë jetës sonë.

Fragrance Direct kanë bashkëpunuar me specialisten e lëkurës, Laura Andrew për të zbuluar gabimet e zakonshme të bukurisë që po shkaktojnë dëme në lëkurën tonë.

Shpesh mendohet se vetëm furçat më të mira të kozmetikës do të përmirësojnë rutinat tona të grimit dhe ato shpesh vijnë me një çmim të lartë. Por rezulton se në fakt duhet të përdorim gishtat për të aplikuar fondatinë.

Ndërsa mendimi për të aplikuar fondatinë duke përdorur gishtat tuaj mund të duket si gabim, rezulton se furçat tona të grimit mund të jenë shkaku i acarimit dhe skuqjes së lëkurës.

Laura Andrew tha: “Ngrohtësia natyrale nga duart tuaja e bën më të lehtë përzierjen e fondatinës me gishtat sesa me një furçë gjatë aplikimit. Furçat mund të tërheqin lëkurën dhe të shkaktojnë fërkime, gjë që shpesh mund të rezultojë në më shumë ndjeshmëri dhe skuqje”.

Por nuk është vetëm fondatina që duhet ta aplikojmë pa furçë grimi, por është edhe korrektori ynë. Laura shton: “Kur aplikoni korrektor nën zonën e syve, përdorni gishtin e unazës dhe prekni shumë butësisht pasi kjo shkakton shumë më pak zvarritje në zonën poshtë syve”.

Ekziston gjithashtu një gabim i zakonshëm që ne kemi bërë që është mënyra se si përdorim penelin.

Peneli është një produkt ë me siguri do ta gjejmë në shumë çanta grimi në të gjithë Mbretërinë e Bashkuar, por Dr Nichola Cosgrove, themeluesja e Natura Emporium, zbulon se aplikimi i gabuar mund të jetë shkak për rrudhat. /Telegrafi/