Këtë askush nuk e kishte pritur! Ruiz e rrëzon katër herë Joshuan dhe ia rrëmben titujt

Andy Ruiz Jr. ka bërë një prej triumfeve më sensacionale të boksit modern duke e mposhtur kampionin e unifikuar, Anthony Joshua.

Boksieri britanik e ka pësuar humbjen e parë në karrierë, edhe atë duke u rrëzuar katër herë nga kundërshtari i tij, i cili në raundin e shtatë fitoi me nokaut teknik.

Kampioni i unifikuar vuri titujt e tij IBF, WBA dhe WBO, në sfidën përballë meksikano-amerikanit, i cili u përfshi në këtë duel si zëvendësues, pasi Jarrell Miller doli pozitiv në testet anti-doping dhe u suspendua.

Lexo po ashtu Kjo është shuma që ka fituar Andy Ruiz pas triumfit ndaj Joshuas

Dhe debutimi i AJ në Shtetet e Bashkuara të Amerikës nuk shkoi aspak mirë, pasi ai pësoi në Madison Square Garden të New Yorkut.

https://www.instagram.com/p/ByMShsnFvEi/?igshid=14gg6mffa6egf

Andy Ruiz Jr. është kampioni i ri botëror i peshave të rënda dhe meksikani i parë që shpallet kampion bote në këtë kategori.

Lexo po ashtu Përkundër humbjes, Joshua fitoi një mal me para nga dueli me Ruiz

Raundi 1

Që nga fillimi, Ruiz sulmonte, ndërsa Joshua tregohej më i vëmendshëm dhe e priste momentin.

Raundi 2

Një moment i mirë për britanikun, i cili i dhuroi dy goditje të fuqishme.

Raundi 3

Dramë e vërtetë! AJ e rrëzoi Ruizin, por ai u çua për ta rrëzuar kampionin. Menjëherë pas, meksikani e rrëzoi sërish Joshuan, të cilin e shpëtoi gongu.

Raundi 4

Joshua ia doli të mbahej në këtë raund në përpjekje për t’u këndellur dhe vazhdimisht e shmangte kundërshtarin.

Raundi 5

Britaniku dha përshtypjen se po kthehej në lojë, por kundërshtari i tij ishte i palëkundur.

Raundi 6

Ndërkohë që Ruiz ishte gjithnjë e më i qëndrueshëm, tek AJ mbretëronte pasiguria.

Raundi 7

Momenti kur Ruiz sulmoi fuqishëm dhe e rrëzoi edhe dy herë të tjera Joshuan, ndërsa gjyqtari e ndali meçin që do të thoshte, fitore me nokaut teknik për kampionin e ri. /Telegrafi/

https://www.instagram.com/p/ByMlRUZBJu8/?igshid=vw5f07rnozm8

https://www.instagram.com/p/ByMhorWl9L5/?igshid=np08x90y0yoc

https://www.instagram.com/p/ByMjKUbowwd/?igshid=gwt8vfugs769

https://www.instagram.com/p/ByMc8DiAcQP/?igshid=698y4rzpayok

https://www.instagram.com/p/ByMWyVOgsAS/?igshid=nq1hqe11hv6t

https://www.instagram.com/p/ByMT1AyImkc/?igshid=1r3gczmkuk0tg

https://www.instagram.com/p/ByMTMhOF1nS/?igshid=cuxh4k653kk

https://www.instagram.com/p/ByMSyCvlPB9/?igshid=1xewce6iaxetz