Kështu reagoi bota ndaj vendimit të Donald Trumpit për të sulmuar Sirinë (Foto)

Urdhri më dramatik i presidentit amerikan, Donald Trump që nga marrja e detyrës, gjegjësisht vendimi për të sulmuar Sirinë ka marrë reagime të shumta nga e gjithë bota.

Siç shkruajnë mediat e huaja, përcjell Telegrafi, Siria është “qortuar” nga një sulm me raketa të SHBA-ve herët në mëngjesin e së premtes në një bazë të kontrolluar nga qeveria, ku zyrtarët amerikanë thonë se ushtria siriane nisi një sulm kimik vdekjeprurës më parë këtë javë, duke e quajtur atë një “agresion”, që çoi në “humbjen e jetëve”.

Lexo po ashtu Sulmet amerikane në Siri, pamje që tregojnë nisjen e raketave Tomahawk nga Mesdheu (Video)

Rusia, e cila i ka dhënë mbështetje ushtarake qeverisë së Bashar al-Asadit që nga shtatori 2015, ka thënë se sulmet ajrore mund të minojnë përpjekjet për luftën kundër terrorizmit në Siri, ndërsa Izraeli dhe rebelët sirianë e kanë mirëpritur sulmin.

Lexo po ashtu SHBA-të i dhanë sinjal rusëve se po sulmonin Sirinë, por nuk kërkuan aprovimin e tyre! (Foto/Video)

Edhe Irani është nga vendet që i ka dënuar ashpër sulmet amerikane kundër një baze ushtarake siriane, deklaroi sot zëdhënësi i Ministrisë së Jashtme iraniane, Bahram Ghassemi, i cituar nga agjencia iraniane e lajmeve, Fars.

“Ne dënojmë këtë veprim të njëanshëm dhe këtë sulm kundër bazës ajrore Al-Chaayrate me pretekstin e një sulmi të dyshuar kimik, të martën në Khan Cheikhoun”, deklaroi Ghassemi.

.@TurnbullMalcolm says Russia has a responsibility to see that the Assad regime complies with the rules of war https://t.co/YQ1PUk2JRy pic.twitter.com/LaczEqUepI

— Sky News Australia (@SkyNewsAust) April 7, 2017

Ndërkohë thuhet se Britania e Madhe, Izraeli dhe Australia ishin në mesin e vendeve që mbështesin lëvizjen e Trump.

NEW: Israeli PM Netanyahu on #Syria: "President Trump sent a strong and clear message…Israel fully supports President Trump's decision" pic.twitter.com/AmUrzCeHS0

— Dan Linden (@DanLinden) April 7, 2017

Britania ka mbështetur sulmin e raketave të SHBA-ve si një “përgjigje të duhur” ndaj sulmit “barbar” të regjimit të Bashar al-Asadit.

Bëhet e ditur se rreth 50 raketa Tomahawk goditën bazën ajrore Shayrat, në juglindje të Homsit.

Ato u nisën nga dy luftanije në Detin Mesdhe, si hakmarrje për sulmin kimik vdekjeprurës të së martës, për të cilin thuhet se është përdorur klor i përzier me një agjent nervor, ndoshta sarin.

Një zyrtar ushtarak i cituar në televizionin sirian tha se një bazë ajrore në Sirinë qendrore u godit të premten, duke shkaktuar dëme materiale. /Telegrafi/