Për të dytën herë Shqipëria do të përfaqësohet në Eurovision nga një këngëtare nga Kosova.
Këtë herë është Klesta Qehaja nga Prishtina, e cila do të këndojë për Shqipërinë në Eurovisionin për fëmijë në Maltë, transmeton magazina.al.
Kënga e saj “Besoj” flet për luftën në botë dhe besimin në një paqe të mundshme, ndërsa sot RTSH ka publikuar edhe versionin final të këngës bashkë me videoklipin e thjeshtë por mjaftë interesant.
Në videoklip shfaqen fëmijë dhe disa mjete luftarake, ndërsa kënga flet për fëmijët të cilët po i vuajnë pasojat e luftë në gjithë botën.
Junior Eurovision do të mbahet në kryeqytetin e Maltë më 20 nëntor.
