Katër gjëra që duhet t’i dini kur dërgoni mesazhe

Të gjitha kemi dëshirë që vazhdimisht t’ia kujtojmë atij se sa na mungon dhe sa na pëlqen. Megjithatë, nëse është afër jush, apo nëse sapo jeni parë me të në mëngjes, mos i dërgoni mesazhe të tilla.

Bëjeni të ndiejë mungesën!

Në vend se t’i tregoni se sa ju mungon, ju mund ta bëni që ai të ndiejë mungesën tuaj, duke i dërguar mesazhe nga një ndejë me miq, duke i treguar se sa mirë jeni duke kaluar atje, edhe pse ai nuk është me ju, transmeton Telegrafi.

Shmangini detajet!

Mos e teproni me detaje duke e stërzgjatur mesazhin. Tregoni thjesht në pika të shkurtra se ku jeni dhe si jeni duke kaluar, në mënyrë që të bisedoni më gjatë në takim.

Kush je ti?

Nëse doni ta çmendni një mashkull, duhet që të paktën një herë ta provoni këtë teknikë. Me arsyetimin se ju ka humbur numri i tij, nëse ai ju dërgon mesazh i pari, ju duhet të përgjigjeni me këtë frazë. Kjo do ta bëjë të mendojë se ku ndodhet ai në raport me ju, për shkak se ju nuk keni mbajtur në mend numrin e tij.

Mos i dërgoni dy mesazhe!

Mos e teproni me dy mesazhe të njëpasnjëshme dhe prisni që së pari t’ua kthejë mesazhin e parë, edhe nëse ju duhet të prisni tërë ditën për këtë. Kjo do ta bëjë të mendojë se ju tashmë ‘keni rënë në grackë’ dhe nuk do të mundohet t’ju bëjë përshtypje. /Telegrafi/