LAJMI I FUNDIT:

Katër arsye të sinqerta pse lidhjet e gjata të dashurisë përfundojnë pas martesës

Katër arsye të sinqerta pse lidhjet e gjata të dashurisë përfundojnë pas martesës

Të jetoni me personin që dashuroni përgjithmonë duket diçka vërtet e bukur, por realiteti ndryshon nga ëndrrat

Kur jeni në një marrëdhënie të qëndrueshme me dikë që doni, është e natyrshme të mendoni për hapin tjetër: martesën. Ideja për t’u martuar ju mbingarkon emocionalisht, por nga ana tjetër sjell një buzëqeshje në fytyrën tuaj.

Kur të martoheni, jo çdo ditë do të jetë një përrallë edhe pse e doni njëri-tjetrin. Nëse jeni në grupin e personave që keni një lidhje të gjatë, kjo nuk do të thotë se duhet të keni një martesë të lumtur. Me martesën shtohen përgjegjësitë dhe shumica e njerëzve, pasi kthehen nga muaji i mjaltit e kuptojnë se çfarë do të thotë martesa.


Në këtë artikull sot do të mund të lexoni arsyet pse çiftet që janë në marrëdhënie të gjata përfundojnë duke u divorcuar nga njëri-tjetri pasi martohen, edhe pse kanë pasur një lidhje të gjatë.

Ishit shumë të afeksionuar me njëri-tjetrin në fillim

Sipas një studimi të botuar në “Journal of Personality and Social Psychology”, çiftet që janë shumë të afeksionuar me njëri-tjetrin në fillimet e lidhjes, kanë më shumë gjasa të divorcohen pasi të martohen.

Kur shfaqni dashuri të vazhdueshme ndaj bashkëshortit tuaj gjatë gjithë kohës, deri në atë pikë saqë “surprizat” tuaja as nuk e surprizojnë më, gjërat fillojnë të bëhen pak të mërzitshme pas martesës.

Nuk ishte dashuri e vërtetë

Gabimi më i madh që të gjithë bëjnë është ngatërrimi i dashurisë me pasionin.

Njerëzit në marrëdhënie afatgjata mendojnë se janë të dashuruar, por në të vërtetë ata ndjejnë thjesht pasion dhe gabojnë. Zakonisht pasi të martohen, e kuptojnë se nuk ishin vërtet të dashuruar.

Nevojat tuaja kanë ndryshuar

Njerëzit ndryshojnë me kohën dhe njësoj ndryshojnë edhe nevojat e tyre. Kohët e fundit, çifti i famshëm Miley Cyrus dhe Liam Hemsworth, të cilët kishin vite që ishin në një lidhje sapo u martuan erdhi edhe divorci, shkruan Class. Në deklaratën e tyre pas ndarjes, ata treguan se të dy kanë nevojë të rriten dhe të përqendrohen tek vetja dhe karriera e tyre.

Ndryshimi është i pashmangshëm dhe vjen me kohën. Ju ose mund të rriteni dhe të ecni përpara me partnerin tuaj ose thjesht mund të përqendroheni së pari në veten dhe qëllimet tuaja. Martesa është e bukur, por kërkon gjithashtu një nivel të lartë angazhimi, durimi dhe dashurie.

Keni zbuluar një anë të re të partnerit tuaj

Të qenit në një marrëdhënie afatgjatë nuk do të thotë të dini gjithçka për partnerin tuaj. Kur martoheni dhe filloni të jetoni së bashku, do të zbuloni gjëra të reja në lidhje me të dashurin tuaj – disa interesante dhe disa “të këqija”.

Mospërfillja, pandershmëria, çështjet e parave, pasiguritë dhe mbivlerësimi janë disa nga faktorët kryesorë të kuq që njerëzit zbulojnë në marrëdhëniet pas martesës, gjë që shpesh çon në ndarjen e tyre. /Telegrafi/

Në trend Stil

Më shumë
Egjipti ka humbur titullin si vendi më i vizituar: Një destinacion që bën para përrallore nga turistët është në fron

Egjipti ka humbur titullin si vendi më i vizituar: Një destinacion që bën para përrallore nga turistët është në fron

Çfarë të vizitosh
Pesë fraza që përdorin personat e mençur për të shmangur një konflikt

Pesë fraza që përdorin personat e mençur për të shmangur një konflikt

A e dini se...
Njihuni me pesë shenjat e horoskopit që tërbohen nga xhelozia!

Njihuni me pesë shenjat e horoskopit që tërbohen nga xhelozia!

Astrologji
Warren Buffett: “Para se të vdisni, pavarësisht sa para keni, kështu duhet ta ndani pasurinë tuaj”

Warren Buffett: “Para se të vdisni, pavarësisht sa para keni, kështu duhet ta ndani pasurinë tuaj”

Lifestyle
Sa kohë mund të qëndrojnë rrobat e lara në makinë larëse para se të marrin erë?

Sa kohë mund të qëndrojnë rrobat e lara në makinë larëse para se të marrin erë?

A e dini se...
Sa e njeh vërtet veten? Zbulo cilit tip personaliteti i përket!

Sa e njeh vërtet veten? Zbulo cilit tip personaliteti i përket!

Lifestyle
Kalo në kategori