Në një natë të paharrueshme gjatë javës së modës në Londër, yjet ndërkombëtare të stilit dhe aristokracia britanike u mblodhën në Chiltern Firehouse për një festë ekskluzive.
Mes të pranishmëve ishin ikonat e modës Kate Moss dhe vajza e saj Lila Moss, këngëtarja legjendare Madonna, si dhe aktorja Iris Law.
Kate Moss shkëlqeu me një fustan elegant të zi, ndërsa Madonna, në moshën 67-vjeçare, surprizoi me një stil më të thjeshtë, duke mbajtur xhinse dhe bluzë të bardhë, shkruan DailyMail.
Iris Law tërhoqi vëmendjen me veshjen e saj provokuese pa reçipeta, ndërsa Princesha Eugenie dhe Poppy Delevingne kontribuuan me elegancën e tyre në atmosferën e ngrohtë të eventit.
Kjo festë e mbajtur në Chiltern Firehouse ishte një rikthim i rëndësishëm pas dëmtimeve që pësoi hoteli nga një zjarr i shkaktuar më parë gjatë vitit, duke shënuar një fillim të ri për një nga vendet më të preferuara të elitës londineze.
Përveç eventit, Kate Moss po përqendrohet edhe në projektet e saj të reja, duke drejtuar një seri podkastesh kushtuar legjendës së muzikës David Bowie, duke ofruar një vështrim të thelluar në karrierën e tij artistike. /Telegrafi/
