Karikaturisti i ‘The Guardian’ pushohet nga puna për shkak të një karikature të Benjamin Netanyahu

Karikaturisti me përvojë i ‘The Guardian’, Steve Bell, është shkarkuar nga puna për shkak të reagimeve që ai ka shkaktuar me një karikaturë që ai ka krijuar me liderin izraelit Benjamin Netanyahu.

Karikatura, ku shfaqet Netanyahu, i veshur me doreza boksi, tregon atë duke operuar në barkun e tij, me prerjen në formën e një Rripi të Gazës, shkruajnë mediat e huaja, përcjell Telegrafi.

“Banorët e Gazës, dilni tani”, thuhet në mesazhin në vizatim.

Just to explain. I filed this cartoon around 11am, possibly my earliest ever. Four hours later, on a train to Liverpool I received an ominous phone call from the desk with the strangely cryptic message “pound of flesh”… pic.twitter.com/kSfmfzlmhy

— Steve Bell (@BellBelltoons) October 9, 2023

Një zëdhënës i GNM (Guardian News and Media) thotë: “Është marrë vendim për të mos rinovuar kontratën e Steve Bell. Karikaturat e Steve Bell kanë qenë një pjesë e rëndësishme e Guardian gjatë 40 viteve të fundit – ne e falënderojmë atë dhe i urojmë të gjitha të mirat”.

Çështja ka lindur gjatë një kohe tensioni të shtuar pas sulmeve të Hamasit ndaj Izraelit në fillim të këtij muaji dhe sulmeve pasuese hakmarrëse në Gaza.

Thuhet se kjo nuk është hera e parë që Bell akuzohet për përdorimin e imazheve antisemitike. /Telegrafi/