Kapi peshkun me një shenjë të pazakontë në trup, e kuptoi se unaza e plastikës së bidonëve të ujit i është ngulur në mish (Foto)

Një burrë i cili po peshkonte në një lum në Kanada, ka zënë një peshk në i cili ishte rritur me një unazë të plastikës rreth trupit që zakonisht përdoret në bidonët e ujit.

Ai ka fotografuar peshkun dhe imazhet i ka publikuar në internet, me qëllim që të rrit vetëdijen dhe t’i tregoj botës së nuk duhet ndotur deti, lumenjtë e liqenet, transmeton Telegrafi.

Adam Turnbull zuri peshkun në lumin Saskatcheëan në Alberta të Kanadasë gjatë të shtunës së kaluar.

“Mblidhini mbeturinat”, kishte shkruar Turnbull përbri fotografive të postuar në profilin e tij në Facebook, të cilat deri më tani janë shpërndarë nga më shumë se 11 mijë persona.

“Kjo është një unazë e pijes joalkoolike të cilën dikush e ka hedhur në ujë, në vend se ta fut në xhep apo ta hedh në shportën e mbeturinave”, ka shtuar ai.

Turnbull kur e nxori peshkun nga uji fillimisht mendoi se atë e kishte kafshuar ndonjë peshk më i madh, por e kuptoi se në trupin e tij kishte ngecur një unazë e plastikës e cila me kalimin e viteve i është ngulur në trup. /Telegrafi/