Në vend janë shtuar zërat që kërkojnë zgjedhje të reja parlamentare. Të gatshëm për të hyrë në procesin zgjedhor janë shprehur vetë pozita dhe po ashtu partitë opozitare.
Qeveria Kurti tashmë ka hyrë në vitin e katërt qeverisës, derisa kundërshtarët politikë vlerësojnë se tashmë është koha për një qeveri të re.
Partia Demokratike e Kosovës tashmë ka njoftuar zyrtarisht se Bedri Hamza është kandidati i tyre për kryeministër.
Hamza aktualisht është kryetar i Komunës së Mitrovicës.
Analisti politik, Dritëro Arifi, ka komentuar kandidaturën e Hamzës, derisa thotë së PDK ka zgjedhur atë për të pasur më shumë fokus në tema ekonomike.
Për Telegrafin, Arifi thotë se mbajtja e zgjedhjeve të jashtëzakonshme varet nga partia në pushtet, LVV.
“Mbajtja e zgjedhjeve të jashtëzakonshme apo të rregullta, kjo gjithsesi do të varet nga partia në pushtet. Kjo gjithçka varet nga Vetëvendosje nëse dëshirojnë atëherë t’i shkojnë në zgjedhjet e jashtëzakonshme, apa eventualisht në zgjedhjet e rregullta”, u shpreh ai.
Arifi tha se është e drejtë e secilit të kandidojë për kryeministër, pavarësisht asaj që është kryetar komune.
“Pra, sa i përket zgjedhjes së kandidatit nga Partia Demokratike, po absolutisht është e drejtë e secilës parti dhe kryetar komune me kandidu për kryetar, mandej janë procedurat tjera se a do të zgjidhet apo jo, kjo varet nga rezultati zgjedhor. Bindja ime është që PDK ka zgjedhur një kandidat më qëllim që më shumë të fokusohet në temat ekonomike, ku aty është edhe profesionist zotëri Bedri Hamza”, tha ai derisa shtoi se LVV po dëshiron të orientohet më shumë nga çështjet politike.
Tutje, Arifi tha se pushteti po dëshiron të shkojë në zgjedhje, por jo të dorëzohet.
“Është e vështirë të thuhet se cilin muaj do të mbahen zgjedhjet, por ajo është e rëndësishme është që pushteti në një farë forme po dëshiron të shkojë në zgjedhje, por jo të dorëzohet në publik. Pra, të ketë një kompromis me partitë opozitare që të shkojnë në zgjedhje me një farë mirëkuptimi”, u shpreh ai.
Sipas analistit Arifi, Qeveria po dëshiron të evitoj të zbatojë planin franko-gjerman tani, dhe se zbatimin e marrëveshjes ta bëjë pas zgjedhjeve të reja.
Çështja e zgjedhjeve është e rregulluar me Kushtetutën e Kosovës, ku neni 4 te Data e Shpalljes së Zgjedhjeve thotë se: Pas konsultimit me partitë politike, Presidenti i Kosovës cakton dhe shpall datën e zgjedhjeve për Kuvendin e Kosovës.
Tutje, në Kushtetutë bëhet e qartë se Zgjedhjet për Kuvendin e Kosovës mbahen në ditën e diel çdo katër vjet.
Zgjedhjet nuk mbahen më herët se gjashtëdhjetë ditë dhe mbahen në jo më vonë se tridhjetë ditë para përfundimit të mandatit.
Sipas kompetencave të Presidentit të përcaktuara me Kushtetutë, vendimi i Presidentit për të caktuar datën e zgjedhjeve bëhet jo më herët se gjashtë dhe jo më vonë se katër muaj para datës së zgjedhjeve. Vendimi përmban datën e zgjedhjeve.
Kuvendi i Kosovës zgjidhet për një mandat katër vjeçar, i cili fillon që nga dita e seancës konstitutive e cila mbahet brenda tridhjetë ditësh nga shpallja zyrtare e rezultateve të zgjedhjeve.
Pas shpërndarjes së Kuvendit të Kosovës zgjedhjet e parakohshme caktohen nga Presidenti jo me vonë se dhjetë ditë pas shpërndarjes.
Zgjedhjet e parakohshme nuk mund të mbahen më herët se tridhjetë ditë dhe me vonë se dyzetë e pesë ditë pas shpërndarjes.
Zgjedhjet e parakohshme rregullohen nga ligjet dhe rregullat e njëjta të KQZ-së sikurse edhe zgjedhjet tjera, përveç se KQZ-ja mund të ndryshojë afatet kohore sipas nevojës në pajtim me rrethanat./Telegrafi/
Lufta Prigozhin - Putin
Më shumëFSK së shpejti me aeroport ushtarak në afërsi të kufirit me Serbinë
"Unë e konsideroj Kosovën si fqinje", Suljagiq: Serbia ka arritur ta largojë Bosnje dhe Hercegovinën nga Kosova
Audio-incizimi dëshmon se avokatja ia kërkoi palës 25 mijë euro për ta pranuar vendimin e Apelit
Fyerjet e sharjet në Kuvend, deputetëve do t’u kushtojnë me pagë
I ati i vdiq në Mekë, djali tregon pse nuk e kthyen trupin në Shqipëri
Qytetarët e Kosovës të papunë, bizneset me punëtorë nga shtetet e jashtme
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
FSK së shpejti me aeroport ushtarak në afërsi të kufirit me Serbinë
"Unë e konsideroj Kosovën si fqinje", Suljagiq: Serbia ka arritur ta largojë Bosnje dhe Hercegovinën nga Kosova
Trajnerët italianë po dominojnë në Euro 2024 - shkolla e tyre është arsyeja se pse
Ndeshja u ndërprere katër herë për shkak të ndërhyrjes së tifozëve - Ronaldo ia plotësoi dëshirën një tifozi të vogël
Sigurimi i shkakton lëndim yllit të Portugalisë duke ndjekur tifozin që hyri në fushë
Robin Hranac, lojtari më pafat deri tani në Euro 2024