Kampanja “Hape derën, çele zemrën” në ndihmë të fëmijëve pa kujdes prindëror në Pejë

“Hape derën, çele zemrën! Bëhu familje strehuese!” është kampanja që përmban një iniciativë të rëndësishme për mbrojtjen e fëmijëve pa kujdes prindëror, e cila është organizuar nga Organizata për Fëmijët pa Kujdes Prindëror (OFAP) në bashkëpunim me Drejtorinë e Mirëqenies Sociale dhe Qendrën për Punë Sociale në Komunën e Pejës.

Ajo ka për qellim promovimin e rëndësisë së strehimit familjar si një nga format më efektive të mbrojtjes për fëmijët që janë pa kujdes prindëror.

Ky strehim familjar ofron një ambient të sigurt dhe mbështetës, duke i ndihmuar fëmijët të rriten në një mjedis të dashurisë dhe kujdesit.

Drejtoria e Mirëqenies Sociale përmes kësaj kampanje ofron mbështetje specifike për familjet që duan të ofrojnë strehim, me procedurat që nisin pranë Qendrës për Punë Sociale.

Kjo fushatë përqendrohet në nevojën për të ndihmuar fëmijët që janë të privuar nga kujdesi prindëror, përfshirë foshnjat e braktisura, fëmijët me aftësi të kufizuara, dhe ata që kanë përjetuar keqtrajtimin.

Me ndihmën e komunitetit dhe individëve të gatshëm të hapin dyert e zemrave të tyre, mund të krijohet një të ardhme më e ndritshme për këta fëmijë.

Për më shumë informacion rreth mënyrës se si mund të bëheni familje strehuese, vizitoni Qendrën për Punë Sociale në komunën tuaj ose kontaktoni në numrin e telefonit 038 613 888, nga ora 9:00 deri në 16:00 çdo ditë pune. /Telegrafi/