Kambovski: Krijimi i akademive njëkombëshe mund të çoj në përçarje dhe konflikte të komunitetit shkencor

Çdokush mund të formojë një shoqatë shkencore. Akademia si institucion kombëtar është një çështje krejtësisht tjetër, thotë akademiku, Vllado Kambovski.

Ai për “Telma” sqaron se ASHAM-i është institucion multietnik që nga themelimi i saj, ka anëtarë nga bashkësitë e ndryshme etnike dhe ka kapacitete për të absorbuar anëtarë pa dallim etnie.

Ai paralajmëron se krijimi i një Akademie Kombëtare në baza njëkombëtare mund të çojë në përçarje dhe konflikte të komunitetit shkencor, si dhe në shfaqjen e akademive të tjera njëkombëshe, si serbe, bullgare apo të tjera.

“Shoqëritat apo institutet shkencore janë të mundshme dhe ne tashmë kemi shembuj të tillë”, thotë akademiku Kambovski.

Akademia e Shkencave dhe Arteve e Maqedonisë sqaron se në Maqedoni, si kudo në botë, ekziston vetëm një akademi kombëtare që përfaqëson shtetin. Akademia jonë ka anëtarë nga të gjitha bashkësitë etnike, ndërsa në dekadën e fundit ka pasur katër anëtarë nga komuniteti shqiptar.

“ASHAM është e hapur për të gjithë qytetarët që plotësojnë kriteret e larta shkencore dhe artistike për anëtarësimin e saj, pavarësisht përkatësisë etnike, fetare apo çfarëdo lloji tjetër”, është qëndrimi që kishte shpallur në korrik të këtij viti./Telegrafi/