Declan Rice ka kaluar nga West Hamit te Arsenali, duke u bërë transferimi më i madh në histori të futbollit anglez.
Arsenali do të mbushë arkat e West Hamit për 123 milionë euro me bonuse, që është një rekord absolut në ishull.
Topçinjtë kishin konkurrencë për nënshkrimin e anglezi me Manchester Cityn, por mesfushori brilant megjithatë vendosi të veshë fanellën e Arsenalit.
Ky do të jetë vetëm klubi i dytë në karrierën e mesfushorit mbrojtës pas Hammers, ku ai u rrit si lojtar. Ai ka marr fanellën me numrin 41 te Topçinjtë.
Rice ka kaluar Enzo Fernandezin që ishte i dyte, pasi u ble nga Chelsea për 120 milionë euro.
Në top pesë janë edhe Jack Grealish, Romelu Lukaku dhe Paul Pogba.
Në anën tjetër, Rice është nënshkrimi i tretë i madh i Arsenalit këtë sezon, në të cilin ka qenë i shkëlqyer për topçinjtë në afrimin e lojtarëve.
Skuadra e Mikel Artetës u përforcua para anglezit me Kai Haverz nga Chelsea dhe Jurrien Timber nga Ajax.
Kjo e ka forcuar edhe më shumë konkurrencën në skuadrën e nënkampiones së Anglisë, pasi këtë sezon ata kthehen në Ligën e Kampionëve pas atij 2016/2017. /Telegrafi/
