“Ka mbaruar faza e përshtatjes” – Mbappe tregon emrin e skuadrës që e do në raundin tjetër

Duke folur pas fitores 3-1 ndaj Man City , sulmuesi i Real Madridit, Kylian Mbappe faza për t’u përshtatur në ekip ka përfunduar.

Sulmuesi francez realizoi het-trik kundër skuadrës angleze, për t’i mundësuar klubit spanjoll që të kaloj në 1/8 e finales.

“Faza e përshtatjes? Ka mbaruar. Është koha që të filloj të vendos për fatin e ndeshjeve”, deklaroi fillimisht Mbappe.

“Ishte një natë perfekte për skuadrën. Ne donim të fitonim dhe të kualifikoheshim, ishte logjike të ishim në 1/8, ndeshja kundër Cityt ishte e vështirë por ne luajtëm me të mirën tonë. Ishte një ditë e mrekullueshme për mua dhe ekipin”.

“E thashë këtë, nuk doja të vija këtu dhe të luaja keq. Ishte një gjë të realizoja ëndrrën time, por dua të luaj mirë këtu, koha për t’u përshtatur ka mbaruar dhe duhet të tregoj karakterin tim”.

“E thash edhe më parë, nuk erdha këtu për të luajtur keq. Unë dua të shkruaj histori me këtë ekip dhe bashkëlojtarët e mi. Kam shënuar shumë gola gjatë karrierës sime, por ndonjëherë ishin të kotë. Dua të fitoj tituj me Real Madridin”.

“Bayer Leverkusen apo Atletico? Unë preferoj Atleticon (në raundin tjetër), kështu që ne i kursejmë vetes një udhëtim”, ka shtuar më tej ai.

Mbappe ka fituar një trofe me Real Madridin në Superkupën e UEFA-s, por është e qartë se ai po shikon suksesin e Ligës së Kampionëve.

Ai tani ka shënuar 28 gola për Los Blancos këtë sezon, me gjashtë prej tyre në katër ndeshjet e fundit. /Telegrafi/