Juventusi i vendos ultimatum Dybalas për rinovimin e kontratës

Paulo Dybala është një emër i nxehtë në klubin e Juventusit për sa i përket të ardhmes së tij.

Sulmuesi argjentinas është futur në vitin e fundit të kontratës me bardhezinjtë dhe ende nuk ka vendosur për rinovimin e kontratës.

Edhe pse mund ta humbasin me parametra zero, Zonja e Vjetër nuk e ka ndërmend të dorëzohet para kërkesave të argjentinasit.

Juventus i ka ofruar pagën prej shtatë milionë eurove në sezon, aq sa e ka edhe Dusan Vlahovic numrit 10 të tyre.

Zonja e Vjetër i ka bërë të qartë argjentinasit se nuk mund të ngritin më shumë ofertën e tyre dhe shuma prej shtatë milionë eurove në sezon është maksimumi që mund t’i ofrojnë.

Megjithatë torinezët i kanë bërë të qartë Dybalas dhe agjentit të tij se ajo që mund të diskutohen janë bonuset e ndryshme.

Dybala i ka bërë të qartë agjentit se dëshiron të qëndrojë në Torino dhe i ka kërkuar atij të diskutojë për detajet.

Gjithsesi nëse nuk arrihet një marrëveshje, Dybala do të shqyrtojë ofertat e tjera të cilat janë të shumta si në Serie A që e do Interi ashtu edhe në Ligën Premier ku shumë klube e duan atë. /Telegrafi/