Juventusi synon transferimin e Vecinos, por marrëveshja me Interin duket e pamundur

Juventusi ka regjistruar interesimin e tyre për mesfushorin e Interit, Matias Vecino, por një marrëveshje për uruguaianin duket e pamundur.

Mesfushori 30-vjeçar uruguaian, kontrata e të cilit skadon me Nerazzurrët në qershor të vitit të ardhshëm, ka bërë vetëm një ndeshje si titullar në Serie A nën drejtimin e trajnerit Simone Inzaghi këtë sezon dhe ai mund të shitet nga klubi në afatin kalimtar të muajit të ardhshëm.

Sipas gazetës La Repubblica, Juventusi ishte i gatshëm të bënte një ofertë për Vecinon, por Interi refuzoi shpejt, duke mos u interesuar t’ia shiste lojtarin rivalëve të tyre historikë.

Repubblica: la Juventus ha chiesto Vecino all’Inter. No dei nerazzurri https://t.co/9Nz1yU0teI

— TUTTOmercatoWEB (@TuttoMercatoWeb) December 24, 2021

30-vjeçari Vecino, i cili iu bashkua Interit në gusht të 2017 nga Fiorentina, ka bërë 15 paraqitje në të gjitha garat deri më tani këtë sezon, për një total prej 388 minutash.

Në këto ndeshje, ai ka shënuar një gol, në fitoren 6-1 ndaj Bolognas në muajin shtator.

Juventusi po kërkon të forcojë mesfushën e tyre në afatin kalimtar të muajit të ardhshëm dhe besonte se Vecino mund të ishte një opsion i mirë për një çmim të ulët, por tani ata do të duhet të kërkojnë diku tjetër. /Telegrafi/