Juventusi është gati ta shesë Cancelon, City dhe Unitedi në garë

Juventusi është i prirur të shesë Joao Cancelon këtë verë, me Manchester City dhe Manchester Unitedit gati për një luftë ofertash për mbrojtësin portugez.

Reprezentuesi i Portugalisë ishte sjellë nga Valencia në verën e kaluar me një kosto prej 40 milionë eurosh pas një viti të kaluar në huazim te Interi.

Paraqitjet e tij këtë sezon nuk e bindën plotësisht trajnerin Massimiliano Allegri, i cili ishte i irrituar nga gabimet e tij në fazën mbrojtëse.

Lexo po ashtu Unitedi ofron 45 milionë euro dhe një lojtar për Cancelon

Ishte njoftuar se Cancelo ishte pranë largimit për shkak të fërkimit me Allegrin, por trajneri italian tani është shkarkuar dhe situata nuk ka ndryshuar.

Gazeta Tuttosport pretendon se Juventusi ende është i gatshëm të shesë 24-vjeçarin dhe destinacioni i tij duket të jetë Liga Premier.

Lexo po ashtu Man City afër transferimit të Cancelos

Mediat angleze sugjerojnë se City dhe United po hyjnë në një luftë ofertash, me kampionët e Ligës Premier që shihen si favorit për portugezin që vlerësohet 60 milionë euro.

Megjithatë, kjo do të varet në mënyrë të pashmangshme nëse Manchester City e sheh aktivitetin e transferimeve të bllokuar si pjesë e një hetimi mbi shkeljet financiare të Fair Play-it. /Telegrafi/