Julian Alvarez te Manchester City: Detajet dhe numrat pas marrëveshjes

Sulmuesi i River Plate, Julian Alvarez, ka qenë objekt interesimi i klubeve më të mëdha evropiane në muajt e fundit, por Manchester City duket se ka fituar garën për nënshkrimin e 21-vjeçarit.

Ndërsa transferimi ende nuk është zyrtarizuar as nga River e as nga Man City, raportimet e mediave me burime të besueshme, shkruajnë se Alvarez do të luajë në stadiumin Etihad në një të ardhme jo shumë të largët.

Manchester City a ka përfunduar blerjen e Alvarez për një shifër prej 18.5 milionë euro (15.5 milionë funte), plus bonuse që mund të shkojnë në koston totale në 27 milionë euro (22.5 milionë funte).

Megjithatë argjentinasi do të mbetet në River të paktën deri në qershor si huazim.

Lexo po ashtu Mbyllet afati kalimtar i janarit: Të gjitha ato që ndodhën minutë pas minute

Nëse River ka shansin të vazhdojë dhe të fitojë Copa Libertadores, ai mund të qëndrojë në klub deri në fund të sezoni dhe nëse kjo ndodh, ata do të duhet të paguajnë një pjesë të pagës së tij.

Alvarez ka rënë dakord për një marrëveshje pesëvjeçare me Man Cityn dhe ideja është që nënshkrimi të konfirmohet në mediat sociale në ditët në vijim.

View this post on Instagram

A post shared by Julián Alvarez? (@juliaanalvarez)

Për më tepër, skuadra për të cilën Alvarez luajti në vitet e tij të adoleshencës në Calchin, Deportivo Atalaya, do të paguhet afërsisht 885,000 euro. /Telegrafi/